【英雄系列1】廢鳩俠: 18
18
「係...果個叫..歐陽振西既人做既....」
阿爺一講呢句，全場馬上靜哂
「在座有d後生既可能唔知道...歐陽振西正正就係...三十年前果個賊王歐陽偉個仔」
阿爺吸一口氣:「當年，我成功拉到連爆四間珠寶行既歐陽偉，最後佢被判終身監禁..」
「恐怕...歐陽振西係返黎尋仇..」
阿爺一講完呢句，全場人不停交頭接耳
「嘩咁大獲呀..」
「九叔都唔夠打，唔通真係好勁？」
「驚乜呀！到時我打鳩佢咪得囉！」
我問:「老豆你點睇呀？」
老豆一臉認真:「我地慕容家幾百人，會唔夠一條友仔打？九叔係一時鬆懈先至中招姐...」
阿爺:「阿九話，呢個歐陽振西既武功超出佢既想像，睇黎佢唔係泛泛之輩」
「總之你地呢段時間要小心，如果遇到佢既話，記得...」
「砰！！！」
突如其來既一下巨響，伴隨住一下既強光
「屌！係閃光彈呀！！！」
閃光彈既強光令我地瞪唔大眼
發...發生咩事呀
當我再次瞪大眼既時候，只見到兩個企響門前既身影
一個係留住吳尊頭，個樣有d似劉凱威既高大靚仔
另一個，係我熟悉既面孔
係宗南
「呼~~amazing！」果個劉凱威吹一吹口哨:「估唔到咁齊人喎，真係得來全不費功夫！」
「你地呢班姓慕容既撚樣，唔係好撚好打既咩？做乜頭先個個咁撚淆底呀？哈哈」
「宗南？！！點解你會響度架？」阿爺大驚
宗南低住頭:「...你地呢班人，逼我做d咩superhero，依家我...終於有機會將你地全部解決」
屌....佢原來...痴撚左線
「冇錯！依家宗南決定同我，歐陽振西合作，將你地慕容家既人，全部刪除」
阿爺:「你老豆當年係賊王，係罪有應得架！」
「你收聲！就係你，當年捉左我老豆，搞到我要當街乞食！」
呢個歐陽振西好似short左咁:「果陣時，我就發誓，終有一日要殺左你，慕容守雪！！」
說罷，歐陽振西就拔出一把裝上滅聲器既手槍，指向阿爺
眾老屎忽馬上撲向歐陽振西，阻止住佢
「阿爺！！走呀！！」
可惜既係，歐陽振西既武功高強，老屎忽即使圍攻，仍然佔唔到便宜
老豆:「阿七，小櫻！你地護送阿爺行後門走！！我同阿媽會頂住！！」
「但係..」
「唔好講咁多啦，你地快d啦！！！」
我同小櫻馬上衝向阿爺果度
「阿爺！快d走啦！！」
阿爺:「我唔可以比班細既響度打生打死，我自己就走左佢架」
阿爺鬆開我同小櫻既手，直奔去歐陽振西
先出一下排雲掌直攻歐陽振西既下腹
「嘿，老野，比哂機會你走都仲要返黎！」
歐陽振西馬上雙手夾住阿爺前臂，剛剛好將掌擊檔響腹前
再一腳踢開阿爺
「阿爺！！」
阿爺掩住胸:「好..好快」
「beautiful！」歐陽振西將頭髮撥向後:「老野..你既時代玩完啦..」
歐陽振西再次拎起手槍
飛龍同小珠隨即以飛腿直擊歐陽振西
飛龍:「阿七！小櫻！帶阿爺走呀」
「哦..哦...」
我同小櫻扶起阿爺
「唔得..我唔可以」
「唔好返去呀阿爺！」我大喝
穿過走廊，終於逃出大宅
「唔駛旨意走！！！」
宗南以鷹爪功，從後揮向阿爺
小櫻夾硬用手刀隔開，但亦退後左幾步
「宗南，點解你要咁做呀？」我忍唔住問
「就係呢個老野，逼我地做superhero呀阿七！」宗南忍住怒火,道:「你唔係都好唔鐘意既咩？點解仲要幫住個老野呀！」
「咁...佢始終係阿爺呀嘛！！點可以話隊冚佢呀！」
宗南無理我，繼續用擅長既爪功攻向阿爺
而小櫻就繼續就用跆拳道既漢水型擋住
但宗南既氣力極大，小櫻始終都係擋唔哂咁多招，節節敗退
「咸濕阿哥！你帶阿爺走先啦！」
兩話不說，小櫻就中左宗南既爪擊倒地
宗南繼續架起雙爪，乘勝追擊
屌，點可以比小櫻保護咁冇面！
我拎出袋內既發明，白汁手槍，編號037
呢一把水槍入面既白汁係由白膠槳、金寶忌廉湯混合而成
射中眼可以乸返幾分鐘
「吱！」我禁下trigger，一patpat既白汁射向宗南
宗南痛得大喊:「呀！！！」
「咸濕阿哥...」小櫻被我救左之後，成個人呆左
「嘿，今次輪到我救返你啦淫櫻..」我馬上扶起阿爺
阿爺笑道:「嘿，阿七你d發明完全都唔係一無是處架喎..」
「緊係啦，駛乜..」
「吱！」
只係一瞬間，阿爺既心口噴出血來，阿爺亦隨即倒地
「阿爺！！！」
我同小櫻回頭一望，歐陽振西已經對住阿爺開左一槍
「marvellous！哈哈哈哈，慕容守雪，呢一槍好唔好受呀！！！」歐陽振西發左癲咁笑
「咁樣，我就再送你一程啦！」
響呢一刻，我真係相信，呢條友，真係會殺死我地
我馬上用白汁手槍射向佢
點撚知，振西一手就想白汁撥走
反應...咁快...
「哈哈，ridiculous！」振西恥笑住我:「你好似係叫阿七喎？聽聞你淨係識用埋呢d濕鳩發明」
「不過呢d野對我冇用架，省d啦」再將手槍指向我
我...會死？
我仲有露露bb呀呀呀我仲有露露bb呀呀呀我仲有露露bb呀呀呀我仲有露露bb呀呀呀我仲有露露bb呀呀呀我仲有露露bb呀呀呀我仲有露露bb呀呀呀我仲有露露bb呀呀呀我仲有露露bb呀呀呀
「嗚嗚嗚嗚嗚嗚..」
警車聲？？
振西搖搖頭:「屌..d差佬咁快就到」
我襯住佢呢一下唔留神，再掉出煙霧精靈球
成條小巷頓時滿佈煙霧
我同小櫻扶起受左傷既阿爺馬上逃出大路
「嗄嗄嗄嗄嗄嗄嗄」
出到大路，只見到一班行山落返黎既阿叔
「call白車呀，我阿爺受左傷呀！！！」
而我同小櫻回頭一望散去煙霧既小巷
振西同宗南已經消失得無影無蹤