【英雄系列1】廢鳩俠: 12
12.
我同阿彩偷偷潛入到會展內
可能係我未試過響呢D時間黎會展，呢個時候竟然仲未鎖門
「喂，黑撚哂既」我道
阿彩:「你都on9既，開哂d燈點引個black milky入黎呀！」
「石頭！我同狗俊去到二樓，冇人呀！」
「你兩個去左二樓，咁...一號展覽廳咪無人！」
「屌！係喎！快d返去！」
哈哈，竟然比我同阿彩聽到差佬d哈碌野
「喂，咁既情況似乎果個black milky..就會去到一號展覽廳偷果條芝士肉丁血淚..」我道
阿彩拉住我，拔足而奔:「屌...駛你講咩？行快幾步啦！」
行左兩三分鐘就到左一號展覽廳門前，四周空無一人
「冇人..好機會..！」
阿彩正想潛入展覽廳之際，左邊出現一個身影
「邊個！」阿彩馬上架起雙拳，好似隨時都驚有人襲擊咁
「哼...仲以為係邊個，原來係你兩個廢柴！」呢個戴住馬沙式上半邊面面具既女，正是我果個勁串既堂細妹小珠
「小珠？！你響度做咩呀？」我問
小珠:「咁你地又響度做咩呀？燒野食呀？」
「屌，理撚得你，總之我依家就去捉black milky，你企埋一邊睇戲啦！」阿彩一眼都冇望小珠:「屌，度門鎖撚左既！」
我拎出一個火機狀既物件:「唉，等我出馬啦」
呢個係我發明既萬用解鎖器，產品編碼024
只要將佢插落去鎖頭度，5秒就可以開到門
我:「嗱，睇下我幾醒，區區一個門鎖..」
點撚知，阿彩同小珠兩個衝動既臭西已經衝左入去燈光昏暗既展覽會場
小珠一邊批開阿彩一邊講:「八婆，black milky一定係我捉到架！」
不過力大無窮既阿彩都不甘示弱:「你都on99！排隊啦」
而我就只能夠跑響佢後面
根據阿彩比我睇既展覽場館圖，轉埋個彎就會去到放住五香肉丁的血淚既玻璃箱
轉埋個彎位之後，的確比我地三個見到
一個人影，正響度打開裝住五香肉丁的血淚既玻璃箱
「嘿！black milky，今次你玩完啦！」阿彩奸笑
「咔！」「咔！」「咔！」「咔！」
突然，阿彩同小珠兩個都同時仆低
「嘩屌，做乜鳩呀！」只見兩人既雙腳都被某d野緊緊夾實
我仔細一睇，係個大型既老鼠夾，仲要係好難拆開果d黎，似乎係個black milky落既陷阱
小珠痛到大聲叫喊:「啊！！！好痛呀！！」
「屌佢老味！邊個放老鼠夾響度咁on9呀！！！」
我心諗:抵丫！你兩個臭西平時咁撚串，今鋪仲唔柒返獲！
「咪郁！！！」
我望過去左邊，有兩個差佬已經破門而入
佢地用手槍，射向果個疑似係black milky既身影
其中一粒子彈亦好似射中左black milky
black milky只好掩住傷口，逃向前方既緊急通道
「屌...點可以比班差佬截糊呀！」
阿彩拎出我發明，產品編號013煙霧精靈球，拋向兩個差佬度
果兩個差佬被d煙霧搞到係咁咳
痛到碌響地下既阿彩叫我:「仲睇！追啦柒頭！！」
「哦...哦...」我繼續問:「咁你地呢？」
「得啦屌！行快d啦屌你老味！」
我小心翼翼咁突破地下既老鼠夾陣，繼續追住前面既black milky
我打開緊急通道既門，響前面既係一道樓梯，地下仲有d未乾既血跡
似乎係通向停車場
照咁睇，呢個black milky應該係想去停車場渣車走佬
「嗄..嗄..」我一路跟住d血行，一路聽到一把喘住氣既女聲
雖然都知道black milky係女黎，但都希望佢唔係d咩靚女啦，如果唔係我落唔到手架
追到落地下既停車場，終於見到black milky既背影
我馬上衝過去，一野將佢撲低
呢個時間，我同black milky面對面咁對望
響我面前既，係一個同樣身穿黑色搜查官緊身衣既豐滿胴體
但更重要既係，黑色lace mask下既，係一個熟悉既面孔
「美...美雪！！？？」
呢一刻我簡直以為自己發緊夢，頭先美雪仲同我一齊行街，點會無啦啦做咩怪盜black milky呀
拍戲咩？
「你...係..」美雪困惑問
我除低面具:「係..係我呀！」
美雪驚訝得瞪大眼:「阿柒！！？？...點解你會響度架..」
「原來你..就係black milky...」我慢慢企起身，指住佢中左槍既左臂:「你..你受左傷呀...」
「唔緊要..我比子彈擦傷姐」
「你咁樣點自己返去呀，我送左你返去先啦！」我馬上衝埋去扶起佢
「阿柒..你？」
「嗯..我架車響出面咋..」
我帶住美雪返上車，好彩後面仲未有差佬追上黎
我問訓響後座既美雪:「我..我應該送你去邊呀？」
美雪不斷用車上既紙巾掩住傷口:「送..送我返去我租果間屋丫..響堅尼地城保德街21號果邊架..」
「嗯..我知啦...忍住呀美雪！」
呢一刻，我已經忘記自己要捉black milky既事
十分鐘後，我同美雪已經到左佢既屋企樓下
好彩呢個時間看更去左巡樓，我同美雪可以入到去
一入到去，美雪馬上趴落梳化上
我:「美雪...你點呀...」
全面都係汗既美雪微笑道:「我冇事...」
仔細睇，美雪的左臂已經流哂血
「阿柒，幫我..抹下傷口丫..唔該」
美雪拉下拉鍊，除低件緊身衣
露出被粉紅色胸圍包住既雙峰及雪白既皮膚
呀！！！好撚正呀！！！阿彩條臭西完全唔係美雪果皮
我拿拿聲響廁所拎左盤水同毛巾，幫美雪清潔傷口
「呃..呃」
「嘻嘻..阿柒怕羞呀？」美雪捉住我，抹住傷口:「唔駛驚呀，就咁抹得啦」
美雪咁open，我唯有順下佢意
好彩，美雪既傷口唔算太深，好快就止到血
美雪重視返平日既笑容:「嗯，依家好d啦..係呢..點解阿柒你..會響果度既？」
我將我自己做super hero、同阿彩拍檔既事話哂比美雪聽
「すごい！！」美雪聽到後讚我:「原來阿柒你係super hero咁勁架！」
「呃..都係比屋企逼既姐....咁.點解美雪你又會係果個black milky既？」
一講到呢度，美雪神情馬上變得認真
「因為...呢個係我師父既心願黎..」
「師父？」
「嗯..我細個果陣屋企人成日都唔響日本，所以將我交左比我師父」美雪接住道:「佢係一個劫富濟貧既俠盜，亦希望我繼承佢既衣缽」
「而我師父，四年前偷唔到呢粒響羅馬公開展出既君士坦丁堡的血淚，比人拉左，依家仲響監獄...」
「所以，今次我一定偷到佢，幫師父完全心願」
原來美雪係因為呢個理由而做怪盜black milky
「其實...仲有另一個原因既..」美雪低頭笑道
我問:「吓...係咩呀？」
「嘻嘻！好玩囉！」美雪撓住我手:「你唔覺偷野好刺激既咩？」
痴孖根，有咩咁刺激呀...
美雪繼續對我放電，整個身軀挨落我度:「嘻，阿柒你..唔會爆我出黎架呵..」
「呃...呃...」呢一刻我真係唔知點
美雪係我既朋友，但另一方面又係怪盜black milky
而更重要既係，佢真係好撚正呀
呀呀呀！我應該點做呀？
「唔會..緊..緊係唔會啦！美..美雪你係我既朋友黎架嘛」唉呀阿七你做緊乜鳩呀...
美雪笑逐顏開:「真既？！阿柒ありがとう！」一講完呢句，美雪就一啖錫左落我塊面度
果一種質感真係好難形容，總之好撚正
我比佢嚇到:「美雪你...做咩呀..」
「嘻，當係多謝你救左我啦阿柒！」美雪躺響我既大脾上:「我訓先啦，おやすみなさい！」
「喂！喂！美雪」
不消幾秒，上身只係著住粉紅色內衣既美雪就已經響我既大脾上訓著左
點算呀，比美雪壓住又走唔到
唉...睇黎..今晚都係要響度過
不過，有美雪同我一齊訓又幾正既
我望住美雪既雙乳，對手都開始忍唔住
龍爪手式咁揸向...
唉，唔得架！
我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架我既心係屬於露露bb架
我要催眠自己，美雪只係我個好朋友！
慢慢咁諗，我就訓著左