【英雄系列1】廢鳩俠: 13
13.
「呼...」
我都唔記得訓左幾耐，總之...我醒果陣個天都光哂
因為日頭既關係，依家終於可以睇清楚美雪間屋企
大廳佈置十分簡單，都係得梳化呀、電視機呀、飯枱呀咁囉
咪住先？美雪呢！？
尋晚明明仲訓響我隔黎
「咔！」廁所門隨即打開
「咦阿柒你醒啦！おはよう！」著住浴袍既美雪見到我醒左，馬上報以一個極醒神既微笑
「美雪，早晨...頭先你沖涼黎呀..」
「嗯..我岩岩沖完涼咋」美雪撲埋黎:「阿柒，我依家煮早餐呀，一齊食丫！」
「哦...好呀」
救命呀，美雪真係好撚柒鳩正
但係，我有露露bb架我有露露bb架我有露露bb架我有露露bb架我有露露bb架我有露露bb架我有露露bb架我有露露bb架我有露露bb架我有露露bb架我有露露bb架我有露露bb架我有露露bb架我有露露bb架
「阿柒呀，試下炒蛋丫！我好比心機整架！」美雪用叉遞上金黃色既炒蛋埋黎
「哦..好呀..」面對美雪既熱情，我只好張開口，任由美雪餵食
唉，口裏說不，身體卻很誠實
「嗯..好好食呀...」
「真係既？」美雪竟然將隻叉放埋入自己口:「嘻嘻！又真係幾好食喎」
美雪呢d行為真係好挑逗，如果露露bb都有佢一半就好啦
食完早餐後
「美雪..我都係時候要走啦」我道
「吓..咁快..」美雪失望道:「我仲想同你傾多計呀..」
「我要返去啦，我驚我再唔返去既話，我拍檔又會咋我型」唉我已經想像到一陣比臭西彩屌死既情景
「咁好啦，不過..」美雪將我推埋門口，用果種叫壁咚既pose逼住我
美雪將手指放到我既嘴前，微笑道:「三日之後，我會再一次去偷君士坦丁堡的血淚架啦，到時...阿柒你可唔可以..唔好阻住我呀..」
「呃..呃...」最後我既下體都係勝過理智:「我..我知啦...」
「嘻嘻！多謝你呀阿柒！到時我一定會好好報答你架！」
唉呀！你知唔知自己講緊乜架慕容兆琪！
一落到去樓下，上到架車
先醒起自己好耐冇check手機
一開，嘩屌成十幾個miss call，兩百個whatsapp
全部都係臭西彩
「屌你，追左去邊呀？」
「你去撚左巴拿馬呀？」
「屌你，仲要揸埋架車走」
「仆街仔，你食撚屎」
屌全部都係臭西彩鬧鳩我既message
我回覆:「岩岩醒..」
「你咁撚樣都未死得呀！我響你屋企度呀，快撚d上黎！」
見到臭西彩咁樣講，我都只好大力d踩油門返去
順便拿拿聲返去沖返個涼
一打開家門
「丫屌你老味！捨得返啦咩！？」坐響大廳既阿彩已經用粗口迎接我
「sorry囉..老豆老母呢？」
「佢地落左街飲茶呀」阿彩走近過黎:「咁你尋晚去左邊呀？」
我支支吾吾回答:「..咪..追果個black milky囉，追追下又搵唔到佢，我又驚揸車返黎會比差佬懷疑，咪響架車度訓囉...咁你呢？你同小珠..」
阿彩響雪櫃拎左罐可樂，邊飲邊講:「好彩我同果個臭西珠身手敏捷，冇比d差佬發現，點撚知走果陣你架車又唔撚見左，咪死死氣call個老野黎接我返去囉！」
嘩夜媽媽call副校長黎接你，真係辛苦哂佢
「咪住先..」阿彩皺住眉望住我
我:「咩...咩料呀」
「索索..索索」阿彩係咁聞我blackman件衫
「做咩呀你？」
「屌你老味丫！！！有香水味既！！！」阿彩將我推埋牆
屌..有冇咁撚勁呀，狗咩
「你up乜呀..」
阿彩:「你唔駛唔認啦！你身上有香水味，講！你尋晚係咪捉到black milky！」
「你都on99，唔比我去叫雞架？！」
阿彩恥笑住我:「你咁撚冇膽，邊敢去叫雞呀！」
仆街...咁都踢爆我
「唉我講啦我講啦...果個black milky..係我響hku識既朋友黎」
阿彩表情變得無奈:「吓..唔撚係掛」
我將前幾日遇到美雪、尋晚救左佢既事講哂出黎
當然，飛左中間d無謂野啦
阿彩:「傻仔！條女當你狗咁玩咋！咪撚信佢啦」
「但係...美雪都只係為左幫佢師父完成心願姐，何況佢又冇害人」
阿彩猛咁篤我個頭:「你呀，迷女迷到上腦啦，佢講既野一定100%無問題既咩！？」
「....」我答唔到，因為我自己都覺得有可能
「總之，三日後，展覽既最後一日我一定會捉到佢！」阿彩叉起雙手:「到時你唔好諗住阻住我，又或者諗埋d屎橋想幫果個black milky呀！」
唉，一方面又唔想比阿彩個臭西屌，另一方面又唔想出賣美雪
我望望錶:「屌！！科ge個tutorial改左今日呀！」
阿彩開左包薯片食:「吓咁又點呀？要返既咩？」
「屌你...係同露露bb一齊上架仆街！」
阿彩冷冷道:「哼！都唔知果個西女人有咩咁吸引，成個自閉妹咁，好似講乜都冇表情咁」
「你食屎啦！露露bb呢d先係靚女，好似你咁撚串呀？成個男人咁」
阿彩比我呢句激得馬上企起身:「你試下再講丫？係咪想隻抽呀！」
「唉，廢事理你，我返去先，咁屋企..」
「得啦，我等到世伯伯母返黎我就會走架啦，走啦契弟！」
串撚到你丫，唔講仲以為間屋係佢..
好彩返到去岩岩好，露露bb亦都響度
我戰戰兢兢坐埋去:「心...露露，hi」
露露見到我，亦點頭微笑:「hello..阿七」
唔知係咪我既錯覺，露露bb好似笑多左
嗚呀..真係好甜
「阿七呀..果份,,group project你,,,做成點呀？」
「哦..都..都做得七七八八架啦..」其實...我根本冇做過
露露低住頭:「我地果組另外..果個阿彩...我搵極佢都唔覆既..」
「係..咩....可能係free ride我地掛」
果個臭西彩，唔係諗住做機會比我下話...
落堂之後
我留意到露露睇緊手機上既電影網
係果套1Q84，好似係果個村上春樹既小說改編電影
我記得，露露好似講過佢鐘意睇書
「咦..露露你睇緊咩呀？」我膽粗粗問
「..哦，係最新上畫...果套1Q84呀，我有D興趣..想睇，不過我身邊...好似冇乜人有興趣」露露細聲道
好機會啦阿七！上呀阿七！
「呃...其實我都有D想睇，如果唔介意既話...不..不如..」我鼓起勇氣:「不如星期日...一齊睇丫！」
露露抬起頭:「...吓？」
「你唔..唔得呀...」
露露淺笑起黎:「唔係..只係...第一次..有人約我去睇戲..」
「咁...」
「嗯...就..星期日啦...」露露笑道:「但係...我唔知邊度..去睇好..」
我問:「露露咁你住邊呀？」
「沙田..」
我:「咁就下晝4點沙田新城市廣場間UA啦」
「嗯...」露露笑道:「阿七...多..多謝你呀」
呀哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈
我約到露露bb睇戲呀哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈
「愛戀沒經驗~~~今天初發現~~~」我坐響司機位上，興奮地哼住歌
坐響我隔黎既阿彩忍唔住:「你咪撚再嘈啦屌，成晚響度唱，孔慶翔都好聽過你啦」
我忍住笑:「嘿，聽日就係我同露露bb去街既大日子啦，我知你可能以為我囂，但聽日我就會溝到露露bb，唔囂你一囂點對得住自己呀？」
「哼..」阿彩冷笑一聲:「你又知個西女人對你有意思？佢當你提款機咋傻鳩！」
「一陣戲飛又你買，食野糖水又你請，斬撚到你一頸血就好笑啦，哈哈哈」
「屌你都on99..」我反駁
「露露bb係女神中既女神
露露bb既威力係去到屈機既level
露露bb係現實生活中, 都係養龜同金魚
唔係好似d臭西港女養猫狗咁
露露bb真人都好少同人講野, 好靜個d
露露bb係只有係實驗室先創造到咁gfable既女
所以露露bb既出現簡直係一個奇蹟！」
「屌...都唔知你up乜！」阿彩繼續飲可樂玩手機:「你今晚最好醒醒定定呀！唔好諗住幫果個臭西black milky呀！」
諗返起，美雪話過展覽既最後一日，即係今日會再黎偷過條五香肉丁的血淚
「登登登！」我既whatsapp響起
仆街，竟然會係美雪
「阿柒，我出發到會場啦，一陣唔好捉我呀，嘻嘻」
救命，點解仲要咁樣同我講呀！！
我搞到我依家1516呀，到時幫你好定唔幫好呀！！