【英雄系列1】廢鳩俠: 11
11.
「black milky？」我聽到r哂頭
阿彩皺起眉:「你咁都未聽過？仲做咩super hero呀....black milky係近一年開始出現既怪盜，至今已經偷左超過10件價值連城既珍貴寶物」
「所以...今次既君士坦丁堡的血淚就好有可能，係black milky既目標」
「咁...有冇多d呢個叫black milky既人既資料呀？」
「你係咪on9架？」阿彩用報紙拍我個頭:「比你知道左就唔叫怪盜啦！」
我:「咁..咁你想點呀..」
「咪到時成晚響會展附近捕住囉！」阿彩奸笑住:「嘿嘿，等左咁耐，終於有d似樣既大事做下啦」
唉..仲要我陪你個臭西捱成晚夜，你真係on99
「呃...咁樣我地個題目就做..香港中文的發展...好唔好呀..阿七」
「嗯..好丫」
「...」
「...」
同露露食飯，dead air既時間仲多過講野既時間
唉，到底係咪我自己真係太冇異性緣，連露露都覺得我難頂...
食完飯之後，露露就話:「阿七...你係咪..覺得我個人好悶呀？」
我被露露呢個突如其來既問題嚇親:「唔..唔係呀..」
「我都知架啦..」露露低住頭:「我...講野又口質質，又冇乜興趣...」
「...」聽到呢度，我都唔係好識應佢:「都唔係既..露露你呢d文靜既女仔..總會有人欣賞既，不過女仔就應該笑多d既」
「真..真係既？」露露問
「嗯...緊係啦！我...」
露露:「嗯？」
「呃..都係冇野啦..」
「哦..咁我..去上堂先啦..拜拜阿七..」
我本身係想講我最欣賞露露你呢d女仔，但係...最後都係唔夠膽講..唉
「阿七..」露露忽然間回頭
佢微笑住咁講:「多謝你..你係第一個讚過我既男仔黎...我會盡力...笑多d架啦，拜拜」
嘻嘻，露露咁樣講法，係咪即係
對我有好感呢？
媽..我得左啦！露露bb對住我笑呀！！
我懷住興奮既心情，準備行去地鐵站搭車返屋企
「砰！」突然，我眼前一黑，好似比野遮住咁
「屌！做咩呀」
「嘻嘻，係咪嚇到你呢？」把聲咁熟既？
我轉頭一望，係美雪
佢今日著住白色短褲仔，正到仆街呀
「咦，美雪...乜咁岩既..」
美雪捉住我對手fing黎fing去:「阿柒呀~我依家想去旺角行下呀..你可唔可以陪我一齊去呀？」
我諗正常既男人對住美雪呢d女真係零抵抗力
「呃..呃..」唔得架，我對露露bb一條心！
美雪扁哂嘴咁:「吓...唔得呀？仲諗住阿柒你可以帶我食下香港d野食tim..我又未去過旺角，驚唔識路呀」
響一輪內心交戰後
「呃...都ok既..」
美雪馬上牽住我手:「真係架！唔該哂你呀阿柒！！！你真係好人啦」
對唔住呀露露bb
我當美雪係朋友咋我當美雪係朋友咋我當美雪係朋友咋我當美雪係朋友咋我當美雪係朋友咋我當美雪係朋友咋我當美雪係朋友咋我當美雪係朋友咋我當美雪係朋友咋我當美雪係朋友咋我當美雪係朋友咋我當美雪係朋友咋我當美雪係朋友咋我當美雪係朋友咋我當美雪係朋友咋我當美雪係朋友咋我當美雪係朋友咋我當美雪係朋友咋我當美雪係朋友咋我當美雪係朋友咋
我一路催眠自己，試圖淡化自己對露露bb既罪疚感
美雪好興奮咁走到旺角大街上:「阿柒呀..可唔可以幫我影張相呀？」
「哦好丫..」我拎起自己既手機為美雪影左幾張相:「一、二、三...笑」
「影成點呀影成點呀」美雪撲埋黎，挨響我既膊頭上
我:「幾好丫..我用line send比你丫」
「咔!」
美雪襯我掛住sned相果陣，偷偷地同我影左張自拍
「美雪你...」
美雪笑得燦爛:「嘻嘻，成功同你影合照啦..」
響佢挨落黎果下，我仲批到佢對波
救命呀....美雪真係好吸引呀
「砰！」侍應放低兩碗麵響我同美雪前面:「兩碗牛腩雲吞麵！」
「嘩好香呀，いただきます！」
美雪好快d將麵同牛腩雲吞放入口中:「嗯..好好味呀！阿柒，多謝你帶我黎食d咁好味既野呀！」
「唔..唔駛客氣..」其實我只係求其搵一間
食完碗麵都已經成五點幾
「我都差唔多要返去宿舍啦」我同美雪行到去地鐵站:「嗯..今日真係多謝你呀阿柒...我應該點報答你呢」
「吓...呃..唔駛啦..」
「阿柒..大好き！」美雪向我獻上一個飛吻:「嘻嘻，ありがとう！bye！」
呀呀呀呀！神呀，點解要比我識到美雪呀？
露露bb同美雪...應該點揀呀
「我返黎啦...咦，做乜阿彩你響度既？」
阿彩響梳化上玩緊手機:「你打得飛機多失憶呀？咪話左今晚要去捕住black milky囉..」
老母同老豆從廚房捧出幾碟餸:「係呀，所以我地叫阿彩上黎食埋飯先出發嘛」
「世伯伯母真係好人啦..唔似得你條木嘴咁，叫你去捕住black milky就好似叫你食屎咁....」
「屌，你都on99」
「咁我地行啦，bye啦小櫻世伯伯母！」食完飯之後，阿彩就同我準備離家
小櫻送我地出去:「加油呀阿彩姐姐」
阿彩拍拍心口:「嗯，我地緊係會加油啦！」
「咸濕阿哥，你一陣唔好拖累阿彩姐姐tim呀」小櫻臨尾都要笑鳩我
「死女包，串到你丫...」
我同阿彩將架車泊會展附近既一條街上
「唉屌...都唔知點解要我on99咁坐響架車度同你捱夜」我埋怨住阿彩，都唔知佢係咪痴線
「你咪唔好做囉！」阿彩對我伸出中指:「我地依家係為社會除暴安良，唔會計較回報架！」
「問題係..你肯定今晚果個乜撚野black milky會出現咩？」
「難得今次世界知名既怪盜black milky有機會響香港出現，緊係要隨時準備啦」阿彩奸笑:「只要我捉到佢，咁到時就冇人唔識我rainbow woman啦嘿嘿」
我拎出手機:「其實...阿彩你為乜要做super hero？好地地一個女仔邊會想做呢d野架」
「呃..」阿彩先係呆左下，再講:「你理得我丫！總之依家有我睇實你呢個廢柴，你有賺啦」
「嘿嘿，真係多撚謝你喎...」我冷笑:「咁果條芝士漢堡的血淚放左響邊層呀？」
阿彩睇住報紙:「一樓既一號展覽廳呀！」
阿彩打開放響後座既收音機，收聽警察內部既頻道
一把男聲道:「team a各單位注意，今晚係世界珠寶展既第一晚，black milky好可能就會出現，請打醒十二分精神」
「收到！」
「嘿嘿，只要我地O記team a捉到black milky，咁我地今鋪就實扎職啦..」一個似乎係阿頭既人道
我:「嘩..出動到O記咁大陣仗呀...」
阿彩一野打落我個頭度:「屌你，呢個black milky話哂都曾經響世界各地偷過好多珠寶，班差佬緊係打醒十二分精神啦」
「咁既然呢個black milky偷過咁多次野，點解都冇人捉到佢？」
阿彩講:「咁撚易捉到就唔係怪盜啦屌！佢每次犯案既時候都從來冇比人睇到佢既樣，但出奇地，佢每偷完一樣野都會響犯案現場放一張寫住black milky同一個唇印既卡」
「哈..咁on9留d證據比人，唔係下話..」
「呼...呼...」
「醒啦仆街！你扯鼻鼾好撚嘈呀！」阿彩一掌拍落我個天靈蓋，將我拍醒
我摸摸頭:「屌你..咁真係好眼訓嘛，成2點啦阿姐！」
「打醒十二分精神呀，black milky隨時出現架！」
我冷冷道:「咁依家有冇料到丫？」
「冇呀！」阿彩遞上一份單張:「呢個就係今次既展覽場館圖，睇下啦你」
我求其睇左幾眼:「屌..都冇乜特別姐」
「嗶嗶！」收音機響起
「team a各單位注意！陳仔響二樓果邊見到一個黑影閃過，你地快d去check下！」頭先果個阿頭緊張道
阿彩除低外套:「嘿嘿，估唔到果個black milky真係出現呀吓！行快d啦柒頭，唔好比班差佬截我地糊呀！」
我拎起裝備，打開車門:「屌..得啦得啦」