[屍故] 完sem後被迫留在科大玩一場生存遊戲: 第１１章—和好

~我決定要回到第三個實驗室，希望沅婷仍在那裡。回程路上，我已經發現我所遇上的喪屍，大多都已經是滿身爛肉，已經移動速度比起之前快很多，幾乎都會跑了。他媽的，這群一定是我之前暴走所造成的喪屍群，真係自作孽。

見到這情況，我當然不會去應戰，只是出盡吃奶的力跑，不停地上落樓梯，又不停在走廊左轉右拐。終於擺脫了那班纏人的喪屍，走到實驗室後門。

當我在按密碼打算開門時，我發現原本的密碼已經不正確，無法開啟。正當我想敲門叫門時，我想若果沅婷真的在裡面，她會開門給我嗎？

又假如她開門給我，我第一句話又應該說什麼？

當我在糾結的時候，本已開口的嘴漸漸閉上，伸出的手漸漸放下。





「去搵返人啦，繼續去守你應承過人嘅諾言，唔好再逃避啦～」

嗯！不管了！

「沅…沅婷！你係唔係入面呀？」我嘗試敲門問道。

過了一會兒，仍然是沒什麼動靜，難道沅婷已經離開？

還是…沅婷不打算開門……





分隔線
————————————————————————————————————————————————————————————
在黑暗的房間裡，一個穿著實驗袍的男人，坐在他的座位上不停翻閱他手上的各份實驗報告。

「MU168試劑嘅效能睇嚟出現好大嘅偏差。」彼德教授苦惱地說。

「咁洗唔洗中止實驗？」頭髮全白的男人問道。

「唔洗，而且依家咁樣點可能話停就停。你都係出返去先~」彼德教授說。





「係～」頭髮全白的男人應道。

「我應該一早就察覺到你做過手腳。李樂遙！」那男人待頭髮全白的男人離開房間後，彼德教授自言自語地道。
————————————————————————————————————————————————————————————

我在門前等了一會兒。

「咔～嚓～」門打開了。

我打開門進去，開門給我的正是沅婷。我望住沅婷，她的精神好像好轉了少許，兩頰都好似消了腫。雖然對上次一見她只是半日前的事，但感覺好像已經將我們的距離拉得很遠。先前在門前腦海中想過的開場白，現在通通都不管用，因為我腦海已經變得一片空白。

我們就這樣，沉默地對視著。我的喉嚨好像被堵住一樣無法作聲，看著沅婷我的心臟都快窒息了。

「你…你到底去咗邊？」沅婷首先打破沉默，低頭泣道。





「對唔住……」這有兩個意思，一是保護不到她而道歉，二是上次的一走了之。

「你係衰人嚟呀！衰人！衰人！衰人！」沅婷到我的胸前，不停拍打我的胸口。

我不敢伸手抱著她，怕她生厭，結果我就站著一直被她打。

「你知唔知你走咗去，我自己一個人好驚呀！」沅婷繼續哭道。

明明是你叫我走的，為何我走了你反而怪我呢？不過從她的聲線中就聽得出佢所受的委屈絕對比我大，所以我沒有反駁，加上我……

「對唔住…」除了這一句以外，我都不知道我應該說什麼了。

「你…你…你淨係識講對唔住！」沅婷都哭得聲音沙啞了。

「咁…咁我可以點…我對住你我真係好內疚…」我講出心中話，然後伸手緊抱著沅婷。





「我真係好對你唔住…係我無用…係我保護唔到你…」說到這裡，我都忍不住一起哭了。

「夠啦…」沅婷都伸出雙手用力緊抱著我。

「你…可唔可以…唔好再走…我真係好驚一個人。」沅婷伏在我胸口輕聲說道。

「嗯嗯…」我低聲應道。

不過我真的想不通女人到底在想什麼，一時叫我走，但一時又叫我不要走。難怪說「女人心，海底針」。不過把心裡話說了出來，感覺好像得到解脫，而且從沅婷的反應看來，她亦都沒有再怪責我。

就這樣我們又沉默地擁抱了一段時間後，待沅婷的情緒慢慢冷靜下來，我們便慢慢鬆開對方。場面又變得有點尷尬。

「係…係呢…你食咗嘢未？」作為男人，總不可以每次都由女方作主動打破沉默的一個吧，雖然這個話題真的很奇怪。





「少少啦…」沅婷應道。

會吃東西的話就是說她已經稍為放開一點了吧。

「你點解…」我本想問沅婷為何要改了密碼，這差點又提起這個畜牲，改密碼一定是因為他會再回來吧。於是我即時改變問題「你點解唔食多啲呀？」

「你啲話題真係開得好差囉～」沅婷登時噗嗤一聲笑了出來。

「咁點姐～我都會老尷咖麻！」我被沅婷笑得面上一紅。

「係啦～咁…咁其實你之前去咗邊？」沅婷問道。

沅婷這條問題，令我想到阿瑜，現在我跟沅婷都已經算是和好了，不知道阿瑜有否能與她的哥哥相聚呢？

不久之前還跟阿瑜開心地聊天，哪想到那竟是最後的時光，想到這裡……





「喂喂～做乜呆咗咁…」沅婷見我發呆了，在我眼前揮手說道。

我想了一想，還是不要跟她說阿瑜的事了，反正她都改變不了什麼。

「無呀，周圍行咁囉…」我回答道。

「喔～係呀～」我想沅婷都看得出我有所隱瞞，但她沒有追問「咁…咁你知唔知其他人點？」

其他人？是指阿俊，軒少，阿明和高威嗎？

「我淨係知…阿俊同軒少應該已經…」我低頭道，然後我將當時和那怪物對戰，閉上眼前最後一刻見到那怪物撞到保安部的經過都說給沅婷聽。

「你竟然咁都無事？」沅婷驚訝地道。

「我都唔知點解，可能真係咁啱打唔中我要害掛？我比個隻嘢撞中個陣，真份痛到入心入肺，我都以為自己死硬。」我嘗試找出一個合理的解釋。

「唔怪得你眼鏡都無埋啦～」沅婷說。

眼鏡？我摸摸我的臉，果然我的眼鏡已經不在了。

「無咗眼鏡你都唔知嘅，我知啦～你係帶開嘅係平光鏡呢～」沅婷笑道。

平光鏡？哪可能，我可是有六百度的近視，但是為什麼我現在我又可以……

「哈哈！比你發現咗添～」連我自己都搞不清楚的事，我不想說出來，再給沅婷添煩惱。

「係呢～咁你知唔知阿明佢地點？」我轉移話題，而且被沅婷這樣一說變得有點害羞。

「個陣你去咗之後，都仲有同阿明阿俊佢地keep住聯絡，但係無耐就聽到火雞（入口）個面有幾聲巨響，之後就…就同阿俊佢地失咗聯絡，無幾耐仲同阿明佢地失埋聯絡，肥…佢話計劃應該失敗咗，叫我地返去先…之後…之後…」沅婷愈說愈難受。

「嗯嗯…咁有可能係阿明佢地係唔小心跌咗個對講機姐，依家我地手上有嘅食物，仲係唔係太夠，所以我諗我地依家最緊要嘅係去搵食物。」我打斷沅婷的說話，不想佢再提起她的傷心事，而且我都不想聽到。

「同埋一定要斬撚死個個畜牲！」這句當然只是我心中默念。

「搵食物？依家仲邊可能搵到呀……」沅婷一下子說出關鍵。

的確，遊戲都過了兩日半，食物應該早就被人搶光了。現在我們手上有的食物，最多只能捱到第四天，之後就會斷糧。雖然我們不致於餓死，但是第五天我們面對的喪屍將會是最強而且數量又多，在飢餓的情況下，很難可以逃過屍群。加上又不知會不會有其他事情發生，正如之前若不是那頭怪物亂入，我們絕不會慘遭滑鐵廬。

分隔線
————————————————————————————————————————————————————————————
「各位，大家係咪睇得好盡興呢？特別節目時間又到啦～」一位主持人叫道。

「好呀好呀～」

「正呀～」

「今次又有咩揀呀～」

眾人聽到有特別節目都顯得異常興奮。

「大家睇睇身邊著燈嘅按鈕啦～禁完都係會有嘅有趣而相應嘅事發生，但係同樣地…」主持人又說。

「咩話？今次仲要五千億？仲要貴多十倍？」一位男子呼叫。

「有咩咁大驚小怪，乜你睇唔到上次嘅演出係幾咁華麗咖咩？」一個肥得像一頭豬的西裝男說。

「一場咁精彩嘅演出，五千億絕對係物超所值～」那西裝男毫不猶豫地按下「殘殺」的按鈕。
————————————————————————————————————————————————————————————