尋回: 新氣象 - 1

-19樓, 早會-
「各位早晨!」
「早晨!」
「今朝大家都很精神, 放完假, 相信大家都有足夠的休息. 今日有兩件好消息要宣佈, 第一件, 可能之前大家已經聽到些風聲, 睇見大家一直以來ON FIELD都好努力, 竭盡所能, 有幾位同事, 時常帶到好成績回公司, 公司一直都諗, 會否有多些獎勵更加MOTIVATE到大家. 咁偉少就SUGGEST了一樣野, 我同幾位PROJECT MANAGER都覺得可以試下行, 就係大家的BONUS, 多了個跳班制. 以前, 大家做到幾多就幾多, 而家有兩樣野加了, 第一, 凡PROMOTE到新人並且過到一個月, 有二千元賞金; 第二, 做到四千元CREDIT CARD, 有10%即是400元做BONUS; 加上去做到六千元CREDIT CARD, 有800元BONUS, 即是TOTAL已經$6800; 再上去做夠八千元CREDIT CARD, 就再多1200元BONUS. 即是大家TOTAL只需做到$6800 CREDIT CARD, 就有$2400 BONUS! 是否好很吸引?」
「……嘩!」
「……正喎……」
全場嘩然, 做得愈多賺得愈多, 肯定是偉少想留HIGH ROLLER而提出的建議.
「唔好咁興奮住, 還有第二件消息要宣佈, 從今天起, 我們多了個股東馮生, 請大家以熱烈的掌聲歡迎他!」
啪! 啪! 啪! 啪! 啪! 啪!
「我和他在大陸認識的, 大家一見如故, 他教了我很多做生意的竅門, 我好欣賞他. 有次同佢提起, 我香港這邊都有間公司, 佢話想過來看看, OK的就入股, 佢個人真的很爽快. 但放心, 佢只係股東, 對大家的工作沒有影響.」




既然工作上沒影響, 那是否存在這空降股東, 我都不以為意. 而且SAM哥一向極少理19樓的事情, 他從來沒有看過我們ON FIELD, 同事之間的事多由SABRINA和JERRY處理, 金毛玲主要負責會計, SAM哥最大, 聲稱負責BUSINESS EXPANSION, 問卷調查那PROJECT就是他傾番來的. 他一直很高姿態, 我們所有人都很少和他談話.
 
今天SAM哥罕有地帶同那位新來的股東馮生來看我ON FIELD.
ANDY:「覺唔覺那位馮生十足十鹹濕導演咁款?」
我:「嘿嘿, 覺呀!」
ANDY:「硬係覺得佢唔係好人…」
 
-晚上, 會議室-
LO:「究竟那股東是什麼一回事?」
偉少:「我暫時不太清楚, 我都是早你們一日知道, 但他應該對你們的發展沒有影響的, 我見他不多說話…ANYWAY, 這不是今晚的重點, 我今晚CALL你們開會, 相信你們都估到, 今早SAM哥宣佈了新的BONUS制度, 我希望你們真的要好好把握. 現在過了冬天, 又未到炎夏, 是ON FIELD最舒服的日子, 加上很快有新一批畢業生, 趁這時候做好點賺多點, 新人見到這裡賺到錢自然會留低. 我期望七月之前會再多一位TEAM MANAGER, 還有你TINA, 起碼帶住一位新人.」




TINA被點名賦予期望, 皮笑肉不笑.