尋回: 往後的變化 – 2

WOODY走後, 很快我又有新人ERIC, 這次又是個截然不同的人, 他活力充沛, 笑容滿面, 體型飽滿, 開心活佛一樣, 和WOODY那副終日無飯食愁眉苦臉的淒楚格相比, TRAIN這樣的GUY舒服很多.
 
他上班第一天, 我們已經有說不完的話題, 他在外國留學, 喜歡一個人去旅行, 回來香港第一份工作是婚禮MC, 因此他口齒伶俐毫不怯場, 和他ON FIELD, 有時他還有一兩句冷笑話令陌生的客人開懷大笑. 我想, 他就是那類可遇不可求的GUY. 第六天上班, 他已經獨立了一半, 最緊要是他給別人的表面印象非常之好, 給人一種無形的信賴, 無論是客人抑或同事. 那刻, 我真的以為這個人很快會成為CORE TEAM MEMBER, 我也因此自豪.
 
二月十四日, 本該是甜蜜的日子, 雖然單身, 但目前有精神寄託, 也對不久的將來有無限的期待. 十時正, 未見ERIC上班.
 
「喂, ERIC呀, 你…訓過龍?」
「嗯…我在睡覺呀…這裡工作真的很累……」
「嗯…咁不如你休息一天, 我幫你同SABRINA請假丫」
「不用了…我想…我不幹了…」




「……..為什麼呀……(我吞下了強忍著的淚水)咁快放棄?」
「唉…我真的覺得很累, 又要番一至六, 人工又咁少……」
「人工我同你解釋過啦, 只要你做到數, 人工同出面差不多, 而且我對你好有信心, 你是做到數的, 為何對自己沒信心呢…?」
「嗯….我再考慮下啦….」
「咁你有咩事就打俾我啦…..」
 
眼淚終於崩块了, 為什麼? 為什麼連如此QUALIFIED的GUY也不願留低? 為什麼上天要我一次又一次走GUY? 我究竟幾時先可以TRAIN到人? 究竟還要等多久? 我的情緒完全崩潰了, 這心靈上的傷害, 比失戀還要大, 比斷纜還要嚴重, 我快支持不住了.
 
「阿LO, 我今天可以不ON FIELD嗎? 我實在不知道今天如何撐下去了…」
「可以, 當休息一下吧.」




「我係咪好無用? 我真係覺得自己好無用…..」
「我好明白你心情, 你又點會無用呢? 你一個女仔捱到今時今日已經叻過好多人, 在我心目中, 你已經叻過哂KITMAN, 華姐那些……其實你留到咁耐, 已經完全是我意料之外.」
「真係? 為什麼?」
「你第一日番工, 穿得咁FORMAL, 好明顯唔EXPECT要做OUTDOOR SALES, 我以為你第二日已經唔做, 誰知你竟然番工. PETER TRAIN得咁衰, 份人又無耐性, 又估唔到你捱得鬧. 到你斷纜在的士上哭, 我真的以為是最後了, 點知你仲捱到. 到你見到人工咁低, PETER又走JOHN又走, 你都仲捱到, 所以其實你已經好叻, 我都不再睇少你了…」
 
直至阿LO這番說話, 我才發現原來自己的心靈經過一次又一次的難關後, 已經變得比所有人包括自己所想的還要強壯, 每次都是痛哭之後再爬番起身. 人生也許就是這麼一回事, 挑戰到處都有, 生命終結之前, 所有人都是跌低爬番起身, 再跌低再爬番起身, 我們誰不是這樣過?
 
想通了以後, 我又再重新上路了.