尋回: Project Manager, Team Manager之誕生 - 1

阿JOHN走後, 原本屬於JOHN的GUY ANDY直接UNDER偉少. 而ERIC走的當日, 有兩位新人進來了, 叫阿MAY和CARSON, UNDER ANDY的.
 
占士和ANGEL CHALLENGE順利, 而凱兒另一位新人羅賓, 那位樣子嚴肅, 似三字頭和似當管理層的人, 也正在努力獨立中. 於是, 偉少 (現時仍是TEAM MANAGER) 一TEAM又突然熱鬧起來. 總括現在的FAMILY TREE, ”子女層”有ANDY, 阿LO和TINA, “孫層”有阿MAY和CARSON, 我和凱兒, ANGEL. “曾孫層”有占士和羅賓, 已經有10個TEAM MEMBER. 不過要升PROJECT MANAGER,下面需要有5個TRAINER, 而偉少暫時只有子女層那3個.
 
二月底, ANGEL因為家人勸阻而被迫辭職, 我們都覺得很可惜, 又走一個做到數的TRAINER. TINA捨不得她, 暗地哭了, 我以為得我一個走GUY哭得那麼慘, 其實根本就是人之常情. 不過, ANGEL介紹了自己親弟給偉少, 她親弟阿杰考不上大學, 家人反而希望他找份PART TIME. 就這樣, 被家人寄予厚望的家姐被迫辭職, 被當作懶懶閒的細佬家人就沒有反對, 這就是, 街外人對這類”OUTDOOR SALES”的看法.
 
還欠一個, 偉少就可以CHALLENGE PROJECT MANAGER了! 我們各人都視他為希望, 希望他可以幫我們爭取更好的待遇, 令新人更加容易留低, 什至爭取到更優質的PROJECT, 不用經常OUTDOOR. 偉少當然知道自己是眾望所歸, 自JERRY挽留MATTHEW事件激到JOHN走, 他明白這裡太守規則就會輸, 於是, 他拍爛檔找了個女仔, 留了兩個星期, 將自己做到的數全部寫上她的名字……於是, 合乎公司規距地, 偉少榮升PROJECT MANAGER. 早會上, 我們激烈的掌聲拍得更以往任何一個早上響亮, 而我終於親眼見證到, 有一個人可以在如此HARSH的條件下, 完成這TRAINING PROGRAMME, 晉升成為MANAGER.
 
「我目標係希望我的TEAM每一個人都可以升做MANAGER, 大家都付出了很多, 好捱得, 目標都只係一個, 就是付出有回報, 所以我希望, 憑我努力, 可以營造到一個好的條件和環境, 讓你們繼續心無旁騖的去做.」
 




希望偉少真的KEEP HIS PROMISE吧!
 
-晚上, 會議室-
「首先感謝大家, 我CHALLENGE PROJECT MANGER期間大家都好俾心機去做, 令到CHALLENGE好順利, 無你們幫手, 我不會有今天. 所以, 我都不想令大家失望, 我首要任務, 係PROMOTE到阿LO做TEAM MANAGER, 他已經有MACY和凱兒, 只欠一個, 所以我會先幫阿LO, 然後幫ANDY. 第二樣野, 我會盡量PUSH SAM哥, 金毛玲, JERRY和SABRINA這幾位PROJEC T MANAGER, 大家都見一直以來, 公司沒什麼大改變, 制度無變過, PROJECT來來去去都是那幾個, 我知大家能力唔只做到OUTDOOR SALES, PROMOTOR的工作, 牽涉到MARKETING, PR的INDOOR工作大家都一樣做到的, 所以我一方面會PUSH他們, 一方面自己也做RESEARCH, 想想有什麼新的可以搞, OK? 我仍然會間唔中落FIELD, 協助你們一起TRAIN新人, 給點建議, 令你們順利一點.」
 
「MACY, 其實你進步了很多, 尤其TAKE OB方面, 似模似樣了, 只是TRAIN人方面差少少, 可能你經驗不夠多.」
「……咁點喎, D人成日走…」
「你還好說! WOODY其實OK的, 不過你俾唔到GOAL佢, 佢根本不知自己在做什麼, 所以才會遊魂, 你諗下, 呢度咁辛苦, 沒有明確的GOAL怎樣做下去?」
「那應該怎樣俾GOAL新人呢? 又不了解他.」
「你記不記得第一天, 新人要寫十個想成功的原因?」




「記得…有關係嗎?」
「當然有! 無又點會叫你寫? 就係一個QUESTION, 去IDENTIFY佢個DRIVE係BASE ON錢, 地位, 還是其他東西. 你記不記得自己寫乜?」
「完全不記得.」
「你當時寫, 想年紀輕輕就有較好的物質享受.」
「哈哈, 我這樣寫嗎?」
「所以我知道你為什麼留, 因為你貪這裡成功只需要兩年, 我有無講錯?」
「嗯…都係的.」
「出面你知道好多公司要擔仔, 所以你寧願試下. 講真, 我自己都是這麼想的, 唔得, 咪最多搵過第二份工囉, 犧牲極都只是兩年, 兩年是你整個人生四十份之一而已!」
「嗯…對喲.」
「所以你不需要想太多, 真係做不到先算.」




 
今天又被偉少一言驚醒了, 他升了PROJECT MANAGER後, 金句愈來愈多, 難怪他留到人.  
 
偉少果然一言既出, 只升了兩個星期, SAM哥宣佈我們有個新的INDOOR PROJECT, 幫一家國際市場調查公司做電話訪問, 調查港人對政府的滿意度. 問卷雖然有80題, 必須完成才有COMMISSION, 但不用在FIELD上日曬雨淋, 我們都非常開心, 非常期待. 和那位項目負責人見面第一天, 她全程蔑視著我們, 還清楚聽見她對身旁的HR耳語:「呢班人就是平時見到在街上攔截人那些, 佢地得唔得嫁?」佢真係成個八婆咁款.
 
「喂, 請問這裡是否XXXX XXXX?」
「係呀, 咩事呢?」
「我係代表XXXX打來的, 而家做緊一項電話訪問, 調查港人對香港政府的滿意度, 所有意見只會被政府收集為制訂政策用途. 以下所有對話將被錄音, 錄音在調查完成後就會刪除, 請問現在可以開始嘛?」
「是但啦!」
「請問先生是否香港出生呢?」
「唔太清楚.」
「請問先生是否十八歲以上, 持有成人身份證呢?」
「無可奉告.」
「咁唔該哂, 拜.」
 




據所有電話訪問完成後的統計, 我們平均每小時完成到兩份卷, 一晚做到六至八份, 成績相當好. 那間公司自己請的PART TIME問卷員, 一晚只做到兩份, 那位八婆才四萬咁口的在SAM哥面前稱讚我們. 原本整個PROJECT預計兩個月完成, 縮短了一個月. 口齒伶俐, 反應快, 不怕被CUT線, 就是ON FIELD訓練出來的成果.