【為左老友，我將佢女神變成我女友】: 【第二十回：現實】

※※※※※※※※※※※※※※※※※※※※※※※※※※※※※※※※※
【第二十回：現實】

夢就這樣結束，而我則從甜美的夢睡醒。

和夢境中的我一樣，我穿上了黑領白恤衫，一條黑色的彈性牛仔褲，再穿上一雙以黑色為主色的休閒鞋，與身穿白花黑色連身裙的她坐在一所以放題為主打的食肆。

「居然同夢境入面既情況一樣。」我暗暗納罕。

我倆珍惜放題的良機，叫了許多美食。





吃過這麼多珍羞盛饌後，與夢境相似，我為自己文憑試的結果率先開口：「小玲，其實有件事我想同你講，不過我實在唔知應該點開口好。」

「做咩呀，傑傑豬？有咩唔怕講喎，今日我地咁開心。」

「我……」我瞟了小玲一眼，望着她的笑容，那份真摰的喜悦，本來的對白忽然說不出口。

在這個美好的時刻，我怎能破壞了小玲的雅致呢？

我打算遲一些才吿訴她，因此我改口道：「我好多謝你一直係我背後支持我。」





雖然與夢中情節稍有不同，但小玲仍如夢裡的她，用手輕力地撫摸着我的臉龐。她對我說：「傻瓜，我地話哂都係醫護界既『神鵰俠侣』喎，乜仲需要講呢啲㗎咩？」

「我地以後就係『神鵰俠侣』喇，咁今晚就好應該慶祝一下。」我故意省略了「醫護界」，但願今晚不會再提及這個名詞。
然而命運大魔王並不會讓我好過。

小玲咧嘴而笑，向我説：「係呀，你諗下我地之後就會一齊係醫院做野。有可能我地仲會一齊係手術室入面工作，你負責幫人開刀，而我就幫你抹汗，你話係咪好sweet呢？」

「呃……呃係呀。」我開始有種被刺痛的感覺。





「係呢，我諗起都覺得好正呀！你諗下喎，到時你帶住一副黑框眼鏡，一隻銀色金屬錶，又一臉英氣地穿起了醫生袍……哇，加埋純白色恤衫同埋一條深藍色呔，真係好英俊呀！」

望見眼前那位被幻想迷倒的她，我實在不忍心向她發難。

拳頭在桌子下緊握着，手心全都是汗。我強忍怒氣，對她説：「不如我地今日傾下其他野呀？我地之前未試過一齊食放題啵，你覺得今次呢餐點呀？我就覺得今日既呑拿魚刺身麻麻喇，你話呢？」

今夜，我試圖把中學時期中文老師所教的議論技巧之一，轉移話題的技巧發揚光大。小玲，你今夜可否別再提及有關醫科的事啊！
我緊咬牙關，心中暗盼能夠實現這番話。結果小玲道：「啲野食麻麻地啦，都係上次食法國菜開心啲。」

我感動得暗暗點頭，感激着上天的憐憫。

豈知小玲續道：「如果由你呢個未來醫科大國手煮畀我食，唔知會點呢？醫生用聽診器就叻啫，唔知揸鍋鏟又會點呢可？」

言者無心，聽者有意，我今天徹徹底底眀白了。





就在我打算採取我苦練多年的絕技，話題終結術去終結這個不如意的對話時，小玲伸伸脷對我説：「不過你到時做醫生咁忙，日日揸住把手術刀，分分鐘三餐都係食杯麵，又點會得閒煮畀我食呀？」她扁扁嘴，期待着我哄笑她。

然而，命運背叛了她與我。

我怒氣填胸，再也忍不了這無心的譏諷，喝罵她：「你講夠未呀？我知我入唔到醫科，我知我係Engine仔呀！但係我根本唔想去提呢件事，點解你硬係要勾起我啲傷心回憶喎！」

和夢境一樣，我向小玲坦白了，只是我知道結果並不會如夢般完美。

「咩喎？我根本唔知道你入唔到醫科？咁我又點會專登咁講呀？」小玲回復了「一言堂」的常態，向我還擊。

我心下一凜，然後說：「我咪叫你傾過第二樣囉！仲有呀，我一直以來都特登唔用有關醫科既字，乜你咁都察覺唔到㗎咩？」

氣憤之下，我再也沒有克制自己的情緒。情緒爆發後，我才明白原來自己是多麼的難受。

但可惜，小玲並不諒解我。她反撃道：「咁係因為你一直都隱瞞我啫，係你令你自己咁辛苦喳！」





「你咁講即係咩意思？我係唔想你唔開心先唔同你講啫，你使唔使咁講呀？你知唔知我已經忍得好辛苦喇！」

「你忍得咁辛苦咪唔好忍囉！你覺得我係專登咄咄逼人令你唔開心既話咪分手囉！」她大聲道出她無奈。

我一臉煩躁，問道：「你咁啫係咩意思？」

「不如我地分開下，冷靜下啦。」

「好呀，你鍾意點就點。」

說完這話，我轉身就走，並沒有回頭。

這一夜，四處寂靜無聲，唯一的喧鬧聲就只有我的哭聲。