[新手][校園] 當你中六果年先遇到教畜，最好嘅解決辦法就係‧‧‧‧‧‧: 28. 你又嚟搞我？ (一)

行到落去，我見到小夫同阿毛都係General Office門口，佢哋見到我哋都有啲驚奇。
「喂，你哋做咩？」我哋一見到面就幾乎係同步咁問對方。
「喂，你哋幾條蛋散都係度嘅。」威廉，河童同埋聰哥仲有阿風。
「唔係你哋又比人叫落嚟呀嗎？」我哋知道咗大家都係比秘密announcement叫落嚟之後，我哋果樣就越嚟越疑惑。
「喂，你班人企好啲喇，散收收！咁嘈做乜勁呀，收聲啦！」General Office條黑面神死書記無段段係個窗口伸個頭出嚟。
「係有人叫我哋落嚟，到底係邊個呀，快啲喇，唔好阻住老子去溫書。」可能你會好奇怪點解威廉可以串到咁同書記講嘢。其實當你已經係Form 6，你就已經會無視學校階級嘅員工，當咗自己係最大。喱條仆街書記，平時就對我哋串柒柒，對校長就擦晒鞋，我哋都唔多gur佢。
「你個衰仔仲講嘢，企好啲喇！」個黑面神當咗自己係訓導咁指住我哋嚟鬧。
 
鬧完我哋之後，黑面神就轉身走咗入去校長房，我好似聽到有幾條友係入面講緊嘢。黑面神入咗去勁耐都唔出嚟，我哋開始等得唔耐煩。
「叮叮叮叮叮……」威廉係咁玩個枚務處個鐘，叫人出嚟應我哋。




「唔好再玩個鐘呀！」黑面神係校長房出返嚟，瞪大隻眼mak大個口咁鬧我哋。
「依家點呀，唔好浪費我時間！」唔講以為威廉係家長，個氣勢完全唔輸黑面神咁駁返佢。
「你哋同我企好啲，要見你果個未返，一字排開企係度等。」
「On9，浪費我時間！總之你同果條友講，再唔返嚟，15分鐘後，我哋就會走唔好浪費我哋Form 6同學嘅時間！」
 
15分鐘過後，校務處都係冇乜動靜，黑面神都淨係做自己嘢。
「好，15分鐘，我哋走人！」威廉喱吓好明顯係大聲到講入去比黑面神。
「喂，你哋去邊呀？」「走人囉，講咗15分鐘冇反應我哋就撇！依家……」
「Hey, Stay here！Who ask you to leave now？Have you ever recognized your fault when you are standing here？」係威廉講緊嘢嘅同時，有把沙沙地尖尖地嘅天外之音講嘢。冇錯，就係個死人校長「盧毛」。
「No fault, so no stand。」聽到威廉啲goodest English，我差啲笑咗出嚟。




「You all, come to my office with your parents tomorrow morning at 7:30！」屌，又做乜搞老豆老母呀。
「Mother and Father, not here, can’t come！」到底威廉啲英文可以差成點。
「你冇老豆老母咖？！」盧毛突然之間用廣東話鬧。
「Anyway, tomorrow 7:30am, come here with your parents or relatives punctually！」一講完，盧毛就拎轉身走人。