[新手][校園] 當你中六果年先遇到教畜，最好嘅解決辦法就係‧‧‧‧‧‧: 29. 你又嚟搞我？ (二)

返到屋企，我哋開咗facebook inbox一齊傾吓聽日嘅對策。

Billy Tam︰「喂，點呀，真係要同老母講呀？」
Eric Wong︰「都唔知發生咩事，梗係唔好理住喇。」
Sai Man Yeung︰「頂，我哋唔帶，佢哋都奈我哋唔何！」
Billy Tam︰「但係會唔會小事化大呀？」
William Cheung︰「嗱，聽我講先！首先，我哋絕對唔好搞到老豆老母住，佢哋嚟到隨時搞到件事更難搞。依家我哋都唔知條友比咩罪我哋，帶咗老豆老母嚟就姐係認咗一半罪先。總之，我哋試吓自己拆吓先，最起碼都要知我哋做過咩先。1on1 PK起碼我哋都有位講嘢先。所以，絕對唔可以叫老母。」
Sai Man Yeung、Fung Yu、FatChung Mak︰「真係唔洗搵老母住？」
Eric Wong︰「叫咗唔好就唔好喇！你驚就自己帶，但係唔好累全家」





其實係喱個moment，大家都有啲驚，因為嚟緊三個月對DSE考生其實都係一個好重要嘅時間，如果有咩事，對我哋備戰都會有好大影響。

Ka Tung Ho︰「唔好驚喇！如果佢搞啲咩嘢，最多咪又出學校嘅剋星囉。學校未必會驚學生同家長，但係有幾樣嘢一定會怕。」

中五果年，河童曾經比學校用一個「於社交網站發佈不當照片」嘅罪名停課，果陣聽講係話有家長係FB見到一張佢同一個女仔嘅親密合照。無段段上堂的落去比人照肺，跟住仲停埋課，但係一個禮拜就上返嚟。

William Cheung︰「總之我哋對付喱啲強權就要比佢更強硬。」
Eric Wong︰「就咁，我哋聽日約埋一齊返去，唔好帶老豆老母，十條友點都有氣勢過佢。總之，唔可以輸人亦唔可以輸陣！！！！！」

最終，我哋決定對於喱次不明不白嘅懲罰行動採取一個不合作態度。你唔交代，我係唔會同你合作，確保自己唔會比人壓住嚟打。我哋仲約咗第二朝七點半一齊食埋個早餐，一齊返學，踏上戰場。





 
其實成晚我都唔係好瞓得著，因為我都唔知道今次行動會有啲咩後果，一路係度諗到底聽日會係點。所以，我一朝早就醒咗，換好衫就出發去商場麥記會合大家。喱餐早餐大家完全冇好似以前咁bilibala係咁講野，反而係好靜咁食完。
「大家食完喇嗎？咁我哋出發喇喎！」威廉見大家食完，就發號施令叫大家出發。其實好多時，我哋十個男仔都係威廉帶住。

 
一行到學校門口就已經見到訓導龜sir企係度，木口木面咁望住我哋。我哋十個昂起頭咁行入去，擺到明就係一個唔怕佢嘅樣。
「Hey，you guys are late！」龜sir講咩基本上都係monotone加冇表情。」
「賣鑊廚騷時笛熱時鬧些憤佛扶涕奶，洛喱！」威廉好似個領袖咁企前幫我哋回應。
「You have made an appointment with the principal, Mrs. Lo！Come with me to, the Principal’s Room。」




我哋一路吹住水，一路跟佢行。唔講仲以為我哋約咗佢去食lunch。