[新手][校園] 當你中六果年先遇到教畜，最好嘅解決辦法就係‧‧‧‧‧‧: 27. 2012起始

「喂，衰仔，咁早嘅！」良廉一返到嚟就走過嚟打我。今日係2012嘅第一個上課日，原本今日應該係上堂嘅，但係因為考評局整咗份Practice Paper出嚟，所以學校比我哋都Mock咁考，等我哋可以早啲有作戰氣氛。不過，第一日就甘過甘大支，由九點直踩到四點，卷一考到卷五。
 

「嘩屌，攰到呢！」考咗成7個鐘，終於可以同班蛋散食tea放鬆。
「你哋識唔識做呀？」比利一路食住佢個廈門炒米一路問。
「屌，作文都唔知乜Q嘢嚟！尤其係最後果條呀，係咪想我哋作套星球大戰出嚟！」阿風啲脾氣唔知幾時先可以收下。
「冇人叫你作第3條架嗎，上面有兩條正正路路你唔作！」力仔串人從來唔洗比面你。
「屌，listening先難呀！第一版就整兩三條長答，聽都聽唔切就飛咗去後面！YYLam啲skills根本都用唔返！綜合就好好多，啲原因加入法、結果加入法幾好用。」Listening一向係我弱項，咁多年合格都唔知有冇5次。DSE根本係傻的嗎，叫你聽聲聽條友講啲虛無飄渺嘅嘢，問你到底實際上佢係想講咩，都痴膠線。
「你仲記唔記得佢個傻的嗎結合文本現實論？你寫咗幾多字？」河童同我一齊補YYLam，所以講起啲skills好啱channel。
「我寫咗四版半左右囉！」「我應該千九二千左右。」「屌你痴線架！我都係千五左右炸。」一講起綜合，基本上都會係講寫咗幾多字。我哋成班文科人，所以綜合9寫幾被根本唔係咩問題。




「喂喂，係喎，閱讀卷果條不必追到底係講咩咖？我唔係好睇得明。」比利基本上係我哋咁多個之中最快進入咗緊張狀態。
「呀喱個我知，一篇係解要努力維繫父母同子女間嘅關係，一篇係解唔需要成日將仔女留係身邊保護，比佢哋自己出去見識！應該係咁。」其實根本冇人知到底篇文係咪真係咁講，閱讀卷只係估考評局出卷果個諗咩。
唔知係咪去到公開考試果年個個都係咁，原本食飯吹水嘅話題係亂嗡一通，一去到喱一年就變咗講補習講溫書講考試，真係人都癲。去到中六喱一年，「溫書喇！」「入大學呀！」喱啲說話比粗口更難聽。
 

第二日都係萬里長征，變咗英文科嘅Reading、Writing同Listening，都係九點考到四點。都唔知係咪學校冇房定冇時間，由Form 4開始就中英文要一日考晒說話卷以外嘅所有Paper。你要明白當你上午考完兩份大卷，下午飯氣攻心果陣仲要聽住首考評局HKCEE HKALE HKDSE御用金曲(姐係Greensleeves)果陣，真係會瞓著。
好在今日係考英文，對住我哋喱啲讀英中嘅，份Practice Paper根本就係a piece of cake，冇難度。
「Listen，there is an announcement！」當我哋諗住執嘢去食tea果陣，無段段比Ms. Chung叫停。「Sai Man Yeung, Billy Tam and Eric Wong, please go to the General Office immediately after the end of your mock test!」
「喂，又有咩搞？」我哋三個好疑惑到底係發生咩事。