[新手][校園] 當你中六果年先遇到教畜，最好嘅解決辦法就係‧‧‧‧‧‧: 12. 放監
我敲一敲門就入咗去，其實我都有啲緊張，雖然識做，但係唔知班教師(/畜)會唔會又暗中做9我。
「企嚟我面前！」盧毛張枱面已經放咗我果四份卷，而且佢仲要目無表情咁望住我，好似個審死官咁。
盧︰「點呀？覺得自己過唔過到關？」Hi Auntie，最後關頭你同我嚟啲咁嘅遊戲節目式訪問。
我︰「應該OKAY喇，如果你哋高抬貴手嘅話。」我特別強調「如果」喱兩個字，點都要同佢單單打打一下先。
佢開始慢慢咁反轉果四份卷，第一份就中文先。「好彩……」即刻鬆一口氣，過咗7成分數。跟住到英文，我心諗「應該冇問題掛」。輕輕鬆鬆又過一份，差唔多啱8成，喱啲CE卷點樣難到我喱啲聰明仔呀。之後果份係通識，喱科吹水科一直都係我強項，一向穩佔全級頭二十。結果最後開出嚟都有8成幾。
終於到咗最後一份卷，個死宅男點都會做9死我。「最後一份喇喎！」盧毛笑淫淫咁對住我講。條友都真係幾適合去主持遊戲節目，明知我同條教畜不和就最後先開佢果份，仲要好似0.0125X咁嘅速度嚟掀。你唔去主持簡直係主持界嘅損失。
一掀過黎，都有6成分數。「嚇向左走向右走死我。」喱句當然係心裡面講喇。我係絕對唔會比我憎嘅人見到我淆底果一面。
「OK，今次全部都過關，你依家可以上番去上堂。但係，你寫番封3000字嘅悔過書比張sir。同埋我話你聽吓，你唔好再搞事。」
「屌！竟然要我寫悔過書咁柒。」我心諗。不過，依家一於少理，執好啲嘢上番課室。
「Hey, everybody. I’m back！」我攤開兩隻手，將把聲升高8度咁講，保證喱一刻我最型。
「過嚟喇，死仔。」阿風硬要搞串我個party。
「喂喂，一陣放學去邊度慶祝我哋文哥放監！」一番到黎阿風就話要同我慶祝。
「放你老母呀放監。」我一嘢打落佢背脊度。
而今日嘅數學堂，我全程都用一個串到爆嘅眼神望住佢。佢亦突登走過嚟同我講︰「你好彩呀，今次死唔去。」
我︰「依家邊個會玩死邊個，仲未知！」我確保我喱一刻氣勢上係唔會輸比佢。