[新手][校園] 當你中六果年先遇到教畜，最好嘅解決辦法就係‧‧‧‧‧‧: 11. 「第一戰」成與敗？
今日係停課嘅最尾一日，亦係大戰時刻，因為今日就係果個專登為我而設嘅評核測驗嘅大日子，其他老師我相信唔會突登留難我，但係我相信個死教畜一定會想置我於死地。盟友們一朝早係上班房之前都專誠行過嚟停課室同我加油集氣一番。
基本上頭兩份中英文都冇乜大問題，平時我對喱兩科老師都就恭恭敬敬、聽聽話話，所以佢哋都冇留難我，只係求其copy咗份CE pastpaper比我當測驗卷。中文老師仲要比一份暑假補課果陣做過嘅<<只能陪你一程>>比我做。
「喱班老師都衰唔晒。」test完頭兩科我都鬆一口氣。
喱個時刻，條撚樣死教畜笑笑口咁攞住份卷行入嚟。
「其他兩科老師好人，求其俾份卷你做就算。我就唔會喇，為咗保住我個金漆招牌，我點都唔會比你考DSE。」屌！你話呀，邊有教畜比喱個教畜更加教畜呀。我就真係第一次見一個班主任想整撚死自己個學生。
我一揭開份卷。屌！Full Paper嚟嘅 (Paper 1 + Paper 2)。你條撚樣洗唔洗去咁盡。
Paper 1 條死教畜仲突登出晒果啲難到核爆嘅topic，3-D figures、Probability、Equation of Circle果啲濕濟野全部都應有盡有，連第一、二條law of indices、Change Subject都有咁難出咁難。不過好在我都有兩手準備，之前阿風借比我果啲W.L.Lee Notes基本上有勁多難題目，所以我專登背晒啲解題Step，總算可以頂得住條死教畜啲題目。
去到Paper 2，係人都會估到佢一定唔會比任何生存機會我。基本上，由第10題開始，如果你正正路路咁去計，每題起碼dump你兩三分鐘。好在上年補過Dick Hui 8堂intensive，學咗佢果啲chok答案方法幫我做快啲。不過，成份始終都有5條做唔切。
等結果果陣其實我都仲有啲緊張，因為雖然識做，但係唔知過唔過到佢6成的bottom line。
「楊世文，校長叫你過去呀！」書記黃小姐帶咗我去校長室。