[新手][校園] 當你中六果年先遇到教畜，最好嘅解決辦法就係‧‧‧‧‧‧: 13. 作戰大計
「WoW，飲杯！」唔好意思，我地唔係去飲，而係班兄弟為咗慶祝我重光而成班人去咗和味坊食tea，而杯野只不過係凍檸茶。
「阿文大戰死宅男 Round 1，阿文TKO死宅男」阿毛用一個好似street fighter咁嘅語氣講出嚟。
我︰「喂，我消失咗一個月，成班有冇發生咩事？」
阿毛︰「冇呀，咪又係大家上堂9fing fing咁，個死教畜咪係咁上堂溝女囉。係喎，聽講教畜佢同班Form 4一齊組隊踢OSC喎。」
阿風︰「咁我哋join唔join呀，還掂都最後一年，去玩吓囉，話唔定抽到簽對住個死教畜，可以踢撚斷佢隻腳。」
力仔︰「都好喎，咁搵唔搵埋大口西同小夫呀？」
我︰「大口西就咪喇。至於小夫，阿毛你依家同佢仲friend緊，你去試下問佢。」
阿毛︰「ok！」
我︰「喂喂，仲有阿聰哥、河童、Kevin佢哋！」
威廉︰「佢哋就包係我身上！」
我︰「好！依家我宣佈「同抗死教畜大聯盟足球隊」正式成立！」
某人︰「Yeah！」sorry我哋又太大聲嚇親隔離。
威廉︰「喂，係喎，依家要諗吓下個月聖誕party玩啲咩？聽講菲gay chur有搵教畜過嚟。我通好晒水叫班會主席俾我搞game。」
我︰「今次玩撚死佢！」
力仔︰「不如玩弱智恐龍呀！」
阿毛︰「仲有果個踩氣球。」
基本上成餐tea唔係咩慶功會，而係商討點樣借機向果個死教畜報復。唔是講笑，我真係好佩服喱班人創意無極限，啲game竟然可以咁樣比佢地惡搞法。所以話，喱班人真係唔好得罪。
威廉︰「係喎，今日文仔放監，我哋洗唔洗上聯盟度打番篇潮文賀一賀佢。」
力仔︰「一於就你寫喇！」