[新手][校園] 當你中六果年先遇到教畜，最好嘅解決辦法就係‧‧‧‧‧‧: 10. 「同抗死教畜正義大聯盟」
停課喱幾個星期，今日lunch同放學，阿毛、小夫、力仔佢哋都會嚟停課室搵我食lunch或者食tea。
由於我停緊課冇得上堂，所以佢哋都會幫我mark低晒上堂啲重點比我睇。每日，一向都淨係帶一支四色筆翻學，上堂永遠都帶漏野嘅阿毛會帶一大疊寫得好整齊嘅筆記嚟比我。阿風會借佢龐大的補習Notes Bank俾我去準備果個特別嘅測驗。而力仔佢哋都會成日留低陪我溫書。
停課嘅喱一排，我真係感受到有班好兄弟一直係身邊嘅幸福。中六喱一年雖然係好辛苦，但係一班人為咗同一個目標一齊奮鬥真係一件好熱血嘅事。
「嘩，停課都有咁大班人落嚟陪你呀？咁不如我同校長講叫佢地比晒你9個人一齊停課喇？還掂你哋班人上唔上堂都係咁，唔好阻住個地球轉。」個死教畜見我哋係停課室有講有笑，又走入嚟挑釁我哋。
「係呀，即使我衰咗都仲有一大班人係度撐我。上你堂就真係冇叉用嘅，一個垃圾教畜垃圾水平嘅教學水準。」我忍唔住都要駁番佢。
「哈，睇嚟你把口仲係唔收。你之前已經衰咗一鋪，唔好以為老師真係會撐你喇傻仔。」死教畜講完就拎轉身走咗。
「屌，個撚樣正一仆街死教畜嚟。」阿風啲火又開始出嚟。
「條死教畜唔理我哋，我哋一樣可以無視佢，最緊要係我哋絕對唔可以再衰比佢睇。」見阿風咁有火，我借機同大家精神喊話一番。
「冇錯！」大家好大聲咁回應我，似乎我真係激勵到大家。
「咁我哋係咪應該成立番個群組，等大家可以發洩下先？」阿毛啲招牌奸笑樣又出晒黎。
放學返到屋企，我開咗Facebook，建立咗一個新嘅群組，而喱個群組就係叫「十個型男大戰死教畜大聯盟」。
「WoW，就像軍團一個秘密組織誕生。」開咗group冇耐，就由力仔打響咗我哋group嘅頭炮，開咗第一個post。之後，威廉用佢高超嘅photoshop技術將死教畜啲相重新PS過變成個矮毒柒嘅撚樣，成為咗我哋大聯盟嘅logo。而我作為創辦人，當然要post番篇潮文喇。
「張澤男，未婚，矮毒柒也。張為一中學之教師，兼任中六班主任，常借班主任之名調戲女學生，為己尋覓妻妾，惜女學生不受溝而敗之。十男因不齒張之所為，成立一秘密組織以抗之，是為「十個型男大戰死教畜大聯盟」。」