[新手][校園] 當你中六果年先遇到教畜，最好嘅解決辦法就係‧‧‧‧‧‧: 3. 張澤南
張澤南一路行入黎，一路用一個極睥視嘅眼光望住坐在班房一角嘅我地，仲要咀角帶住一絲奸笑。
張︰「今年，我係你哋嘅班主任。無辨法喇，你地主科老師全部走晒，我見你哋咁慘先接手你地班。」
「屌你老母，洗撚你可憐。」「冇左你個死教畜，隨時我哋班會更好。」可惜，喱幾句只係我地心裡面講。如果唔係，第一日就應該同喱條蛋散擦出火花。
張︰「我教開精英班，所以冇乜時間理你哋喱啲食物鏈底層。你哋班人同我醒醒定定，唔好搞低我個合格率。」
一向火爆敢言嘅阿風終於︰「唔想合格率你咪教好啲囉，精英班洗你教咩，你當你自己乜野呀。」
張︰「係呀，我喱啲碩士仔黎炸，教唔起你架。」
佢毫無疑問真係一個死教畜嚟，講果陣串串貢睇唔起人，講到我地班完全唔關佢事咁。
經過咗喱一輪前哨戰，成日餘下落黎嘅時間，阿風都用充滿憤怒嘅眼神睥住個死教畜。而教畜都只係focus係班女仔度。
阿風︰「屌，果條仆街我真係好撫想打柒佢，乜撚野料呀，我哋整低佢個合格率？」「嘭！」個宅男打鐘走咗之後，阿風一手拍落佢自己張枱度，嚇到全班人都望住佢。
力仔、威廉︰「喂，風哥，冷靜啲喇！」見到阿風咁嘅樣，大家都驚驚地。因為大家都知道阿風發起嬲係痴線咖。
阿風︰「屌，我地快啲黎諗個plan高質咁搞鳩佢。」
威廉︰「我哋上堂無視佢咪得囉！洗理佢咩。」
阿毛︰「不如我哋完全唔撚交佢啲嘢小測考試亂做，如佢所願，拖低佢個合格率，等佢俾人照肺。」
我︰「喂…」我都未講完，阿風已經滿目怒火咁話︰「好！」。
大口仔︰「咪咁搞喇。」大口仔係我哋班出左名嘅正義撚，成日係度扮正經，最鍾意係女仔面前扮暖男。所以，我哋十個都唔多like佢，通常佢講乜都會暗地裡笑勁佢。
「喂，食咩呀兄弟？」由於今日係開學第一日，所以放12點。
力仔︰「不如就老地方東橋喇！」
比利︰「我唔去喇，我約咗人。」
威廉︰「喂你喱排搞乜野呀，成日搵你去食飯都唔join，搞乜勁？」
講開又講呀，比利暑假開始真係有啲古古怪怪咁，成日都唔出聲，苦瓜乾咁。
我︰「咁算喇，我哋自己去食。」
最後，我、小夫、威廉、阿毛、阿風、力仔一行6人去東橋開餐。