[新手][校園] 當你中六果年先遇到教畜，最好嘅解決辦法就係‧‧‧‧‧‧: 4. 數學堂
基本上，我哋暑假果陣Maths已經教得7788，得返課雞肋Linear Programme，所以個死教畜嚟緊果半年可以大條道理hea住嚟教。逢星期五臨放學果堂仲懶係野咁話比時間我地操Pastpaper，唔會教書，俾我哋話唔識嘅嘢。
力仔︰「屌，操咩卷呀！根本係度借機媾女，一個三十幾歲嘅死毒L係度媾十零歲學生妹。」由於係成個星期最後果兩堂，所以我哋根本冇心機上，再加上條宅男不嬲無視我哋，通常我哋都係圍埋吹水。不過話題通常係個狗公度。
阿風︰「喂，不如又撩下佢開火。」阿風根本就係一個死士嚟。
我︰「你睇下菲gay cher呀，俾少少甜頭佢佢就嗒晒糖。」菲gay cher係我哋班三個有名嘅死港女，若霏、Gabrielle、Cherry。佢哋三個最鍾意痂埋去個死教畜到攞著數，而個死教畜梗係嗒晒糖喇。所以，佢哋啲conduct grade同埋啲平時分一定係最高果幾個。
阿風︰「阿sir，我哋有啲嘢唔識呀。」
宅︰「唔識做就做多啲喇！」 阿風︰「我就係唔識做先停咗係度呀嗎。」
宅︰「咁做多啲咪識囉。」我一路聽住呢兩條友嘅對話，一路R晒頭，到底你兩條粉皮係咪玩緊搭錯線。
阿風︰「如果我做就識，咁我要你係度做乜勁呀？請你嚟嚟係教書呀，唔係交友會呀！」阿風啲火真係話發就發。
菲gay cher︰「你講乜野呀，毒L風？」
阿風︰「話你呀，係度姣呀sir，冇仔要就系度姣三張幾嘅死老坑。」真係好佩服阿風一鬧人可以一箭雙雕，串晒兩班人。
菲gay cher︰「食屎啦，死毒L。自己蠢就去補下腦啦，浮係識打機同打飛機。」
喱一場戰役一開始係諗起挑死宅男機，點知打打下唔夠兩句，變咗呀發同菲gay cher嘅罵戰。喱個局面基本上係一打四。sorry，我哋係唔會出手的，只會食住花生睇戲。其實睇佢兩班人鬧交都幾頂癮，就好似一套叫做「野蠻潑婦罵大戰痴線佬咁樣」。
最終，喱場戰事隨住象徵放學嘅鐘聲響起而完結。邊個嬴？冇人知。
阿風︰「癡線架果3條女。」
力仔、威廉︰「你都唔差呀。」
我︰「喂，走先啦，去補習。」