[新手][校園] 當你中六果年先遇到教畜，最好嘅解決辦法就係‧‧‧‧‧‧: 2. 開學第一日
「呀．．．．．．」我睜開眼，見到自己面前一片白色。呼！原來係發夢。自己標晒冷汗咁坐咗係張床度。我即刻衝咗去廁所洗個面，沖個熱水涼定一定驚。啱啱個夢其實成個暑假都唔知發咗幾多次。多得喱個夢，暑假朝早啲補課先唔會遲，因為每次發喱個夢都會好準時係七點至七點半嚇醒。
今日係二零一一年九月一號，升上中六的第一日，亦係黑暗年嘅開始。由喱一刻開始，我哋就要有作戰的心態。因為我地就係大名鼎鼎嘅「白。老。鼠」第一屆DSE考生。由於咁早起左身，所以沖完個靚涼換好衫，仲有時間可以落樓下食個靚早餐開始新的一年。
唔遲唔早，啱啱好7:59分入到去課室。入到課室，當然唔會有好耐冇見喇。中六同學，你明白的。
「喂，文仔，喱邊呀！」呼喚我嘅係小夫，我由中三開始friend嘅好兄弟。坐係佢附近係阿毛同力仔。基本上我咃十一個班上絕無僅有嘅男仔都會坐埋一齊，方便我哋上堂整古做怪。
坐埋位之後，我地就開始討論一個我地最關心嘅議題。
我︰「喂，你估今年邊個做我地班主任呀喇？」由於我哋中四五班主任同中英兩科老師都因為比個仆街校長盧毛欺壓，所以上年都走咗人。
阿毛︰「會唔會係果個死澤男呀喇？」
阿夫︰「呀……都應該係咖喇」小夫呢個樣，簡直好似係世事都比佢明白咗咁。
力仔︰「唔會掛，佢咁唔鍾意我地，都會接手？」
我︰「hi，果條死擦鞋仔嚟咖，校長叫佢做唔伸晒脷咩。喂，我聽講佢上一年係咁撩佢中四數學班個女仔啵！」
阿夫︰「hi，佢根本就係一個冇女人嘅死狗公。」
「叮噹。叮擋。頂當。叮噹」喱個鐘聲意味住答案好快會揭曉。
係門口嘅喱個人，
身高185cm，呀…sorry，應該得160左右，名乎其實嘅死矮仔。
一件娘到核爆嘅尿色裇衫，一條突顯佢蘿蔔腳嘅鬆身西褲，
再加對完全襯托出佢幼稚氣質嘅學生款皮鞋。
呢個絕對係一個。死。狗。公，而喱一個毒撚將會係我哋最後一年嘅班主任 – 張澤男。
阿毛︰「hi，真係呢條死好樣。」
力仔︰「你把衰口真係開口中。」