《只有一棵樹的森林》: 第八十五章

很快又去到派成績表的時候，今年卻有點特別。
雖然方晴和我又是頭兩個去見家長的（對啊，又是我倆，她先我後，我們連見家長拿成績表也是頭兩名…），但是今年我們其實是同一時間入班房的。
由於媽媽成為了方晴的臨時監護人，所以爸媽也要陪方晴見老師。
.
「司徒生司徒太，可以入黎喇」朱老師走出班房迎接
.
進去後，由左至右數，爸爸坐在最左邊，然後就是我和方晴，媽媽就坐在右邊。
「咳咳，呢個都係我第一次咁樣見家長，兄弟姐妹同一班一齊攞試過唔少次，但一對情侶一齊攞，我真係第一次試，都幾得意」朱老師笑道
「朱sir呀…」我苦道
「好喇，唔玩你地喇，司徒生司徒太，我地就睇左呀晴份成績表先」




「嘩，呀晴你又考第一咁叻女呀？！！」媽媽大讚
.
沒錯，是「又」，我真的有想過，如果方晴有一次考不到第一，大家會怎樣說呢？
.
「呀晴當然繼續維持水準，不過千祈唔好鬆懈，因為你的追兵已經追得好貼，殺到埋黎，司徒生司徒太，呢份就係呀駿的成績表」
「嘩，呀仔，你都好叻喎，科科都咁高分」爸爸誇獎我
「係呀，呀駿對比上年真係進步左極多，宜家既佢，唔單止穩佔全班頭兩名，全級第二亦係佢既襄中物！」朱老師說
「其實我都係盡自己能力，唔令朱sir你失望」我說
「所以我宜家都替呀晴擔心，究竟佢仲可以保住個第一幾耐」朱老師說笑
「最好愈短愈好」方晴語出驚人




「下，點解呢？」朱老師問
「唔知呢，好想今年見到呀駿攞一次第一，佢一直咁努力，係值得一個第一！」
「呀晴…」
「我認真架」方晴認真地看著我說
「好喇兩位，家長日都要係我面前放閃，考慮下老師的感受好嗎？」全場都笑了
「咁我地都唔好阻住朱sir喇，麻煩哂」爸爸說
「辛苦你地喇，要照顧呢對小情侶」朱老師送別我們
.
「司徒駿！」一出班房，就聽到有人大聲叫我
轉身一看，原來是罐頭何在叫我




.
「何公子，搵我有咩事呀？」
「有啲野想同你上天台傾」
「有咩唔可以係度傾？！！」方晴說
「男人之間的事，我要同你單獨傾」
「嘩，咁hehe，我怕我頂唔住喎」
「呀仔，佢究竟係邊個？」爸媽緊張地問
「唔使擔心，好小事啫，呀晴，陪兩老去搵位飲茶，我等陣過黎」我輕鬆說
「呀駿…」方晴顯得有點擔心
「無事喎，有啲野，點都要解決」
「咁你自己小心呀」
「我會架喇，愛你！」
「我都愛你！」
「你！！！你兩個！你兩個夠喇！」何少爺終於忍不住
「做咩啫？好羨慕呀？這些機會…哈哈！」




.
上到天台後，一陣風吹起
「點呀何大少，有野快講，有屁快放！」我不耐煩說
「講呀，要幾多錢？」他問
「下？！！」我完全不明
「唔好扮喇，你我心知肚明」
「下？！！何大少，我唔係個罐頭入面啲料，我點之你唸咩！！」
「你！！！好，你究竟要幾多錢，先肯放棄方晴？」
「你都癡線既！」
「十萬？一百萬？一千萬？定一億？？？」
「你根本都唔愛佢，你搶佢有咩用？」
「我唔要的野，都唔代表你可以擁有！」
「何能夠，你訓醒未呀！！宜家唔係你唔要，係呀晴唔揀你呀！如果你叫我上黎就係講呢啲，我唸我地之間無野好傾！」
「司徒駿，你真係要敬酒唔飲飲罰酒？」
「我唔飲酒既」




「你睇住黎，遲啲你一定跪係度求我！」
「哦，拜拜！」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈