《只有一棵樹的森林》: 第八十四章

方晴搬來後，這間屋突然多了更多的生氣，更多的笑聲。
.
每天放學回家後，我的臉上也不不再掛著苦瓜臉，取而代之的是幸福滿瀉的樣子。
至於媽媽，之前因為爸爸要回大陸工作，週末才回來，所以平時媽媽也會有點悶。
但現在每當我和方晴回家後，媽媽總會笑著迎接我們，加上方晴不時都會買下午茶給媽媽，有時也跟媽媽去買菜，因此逗得媽媽很開心。
.
坦白說，如果我現在跟媽媽說要跟方晴結婚，恐怕她也會馬上幫我在婚書上簽名…
.
有著方晴的陪伴，今次的考試好像也過得特別快。
無論面對哪一科的挑戰，我都自覺信心被增強百倍。




.
「呀駿，你覺得自己今次考成點？」方晴問我
「超好，咁多次考試最好最有信心的一次！」我有信心的說
「係唔係呀？吹到咁大？」方晴質疑我
「今次無作大！！」
「即係平時有喇？」方晴調皮說
「喂呀，你捉我字蝨既？」
「好喇好喇，我信你，咁有無信心爬我頭攞第一呀？」
「嘩，講呢啲，其實我真係無所謂，反正已經對得住屋企」
「咁你想唔想呀？」




「唔想！」我堅定的說
「點解呀？」
「因為如果我要考第一，即係要贏你，咁我寧願永遠都攞第二！」
「傻瓜，你攞第一我一樣咁開心架」方晴對我說
「但係，只要有任何機會令係唔開心，我都要阻止！」
「傻瓜黎既」
「對你，我係」我認真的對她說
.
「如果要為呢段感情設一個限期，我希望係你過身的一刻，我唔相信前世下世，我只係知道，呢一世我愛既係你－方晴，我想用我最大的努力去令你每一刻每一秒，都覺得開心幸福」
「好喇，我投降喇，冧死我喇」




「我認真架」
「我知架，我真係知架」
.
很快，又來到派卷的時候。
雖說今次很有信心，但不知為何，每次派卷還是避不開坐立不安，手心冒汗，弄得方晴每次也要捉住我的手讓我平靜下來。
.
老師們大多都不再保持神秘，因為大家都已經猜到誰會是頭兩位。
更甚的是，大家都知道我總會希望令到自己的女朋友開心。
.
「好，今次考試的第一名就係…」
「方晴！」全班齊叫
「哈哈，無錯，但方晴係其中一個第一名」經濟老師說
「下？！！」大家都驚呼
「無錯喇，今次係有兩位同學最高分，第二位同學就係…」
「司徒駿！」全班又齊叫




「無錯喇，大家俾多啲掌聲呢對熱戀中的小情侶！」老師也拿我們開玩笑
.
今次的考試，雖然我從來沒有超越她而拿第一，但卻試過和她一起拿第一。
而且，我和她的差距也愈拉愈近。
.
「呀駿，你好叻呀，今次又有進步喇！」方晴對我話
「你都繼續攞第一呀，你都叻叻！」
「呀駿，你可唔可以應承我一件事？」方晴認真地望著我
「係咩？」
「跟住的兩次考試，你要盡力去考一次全級第一！」
「但係…」
「就當係為左我！」
「點解呀？」
「我真係好想睇一次我男朋友考第一的英姿！」
「哈哈，咁好喇，我應承你，不過你唔准放水架！」




「放心，我一定唔會！」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈