《只有一棵樹的森林》: 第八十六章

瀟灑離去後，我就趕去茶樓找方晴。
.
「我番黎喇」
「無事呀嗎？」方晴緊張地問
「無呀，無穿無爛，我點會咁易有事呀！」我神氣說
「咁佢同你講左啲咩？」
「男人的秘密，嘻嘻」
「喂呀司徒駿，我認真架！」
「我好肚餓呀…俾我食野先喇」
「喂呀！」方晴緊張地拉著我




「乖喇，有啲野唔講得就係唔講得」我安慰她說
「你鍾意喇，唔理你呀」
.
就這樣，方晴就真的不理我。
該死的何能夠，又搞到我要花時間氹回方晴。
.
「呀仔，究竟個有錢仔同左你講咩？」媽媽襯方晴去洗澡時偷偷問我
「媽…」
「我知，秘密麻，但係你咁樣搞到呀晴嬲左你，值得咩？」
「我都想講，但講出黎只會令佢更辛苦更唔開心，咁又何必呢？更何況，呢件事根本就唔會發生」




「咁你不如同呀媽講喇」
「媽…你知點問我都唔會講架」
「好喇好喇，唔逼你喇，咁你唸下點氹番呀晴喇」
.
媽媽離開後，方晴也洗完澡出來。
「晴，你仲嬲緊我呀？」
「唔係呀…只係…我真係唔知究竟有咩係唔可以同我講，你又話相處講求坦誠」
「今次，恕我對你唔住，我一定要守好呢件事」
「算喇，咁我都唔逼你，你咁樣做一定有你的理由」
「多謝你呀」我欲親吻她




「喂呀，快啲去沖涼，污糟豬！」
「係既，宜家去！」
.
幸好方晴是那麼的善解人意，否則看來我不單要做「廳長」，還要把錢包放血，才可以氹回她…
.
星期一回校時，我們都把事情放下，畢竟為了這些無謂事去傷感情，是十分不智的。
回校看到何能夠時，又不察覺他有甚麼特別，應該都只是自己嚇自己吧。
.
放學的時候，何能夠又走到班房找我。
「呀駿，今次我點都唔會俾你單獨同佢傾！」方晴堅決說
「司徒駿，我只係黎問多你一次，係咪幾多錢你都唔肯放棄方晴？」
「我講最後一次，你同埋你啲臭錢，一齊消失，以後唔好再煩我！！」我兇狠地說
「好，你睇住黎，我唔會咁易放手架」
.
「呀駿…」




「無事喇，佢走左架喇」我捉住她的手說
「你…你一直唔肯同我講既…就係呢件事？」方晴眼眶紅紅
「傻瓜，咁我知道話你聽只會令你擔心，我一個人去承受咪得囉」
「呀駿…」說罷，她就聲淚俱下
「我就係最怕見到你咁，你明知我最怕你喊，等陣啲人以為我蝦你，全校黎討伐我架喇」
「邊有咁誇張呀！」
「笑番咪幾好，番屋企喇好無？」
「嗯」
.
一出校門，
「係佢喇！郁手！」
.
突然間，六七個戴著口罩的人拿著棒球棍衝向我們，我怕他們想傷害方晴，就一手推走方晴，用自己擋住前路。
.
然後，我當然不是葉問。




開頭也稍能作出些微反抗，但很快就被圍毆。
.
「呀駿…」我隱約聽到方晴哭著叫我
「唔好…理我呀…走呀…走呀…」我盡一口氣，去叫她離去
.
之後，我感受到有一下打中後腦，然後我就失去知覺。
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈