《只有一棵樹的森林》: 第八十三章

第二天的考試，繼續都是語言科，所以也是低難度，比較容易就過關。
.
完成考試後，我就和方晴走到她家。
去到她家樓下時，方晴突然停下腳步。
.
「做咩呀晴？」
「我有啲驚呀…」
「唔使驚喎，我係度」
「但係…如果Daddy係屋企呢？」
「咁我地即刻走囉」




「但係我真係唔想嘥錢」
「咁樣喇，你俾條鎖匙我，到時出?後你就㩒住，我去開門，如果無人你先過黎，有人的話你就即刻搭?走」
「咁你點算？」
「我咁大個人，可以有咩事呀」
「咁好喇」
.
和方晴走到大廈的大門入口，先有第一關嚴密的保安，然後又要經過平台，去到方晴住的座數，再過一層保安，才到升降機大堂。
.
「傻瓜，望咩呀？」
「無呀，第一次黎豪宅，好奇啫」




「哈哈，咁你發現到咩呢？」
「好大囉，同埋真係好豪華，仲有就係好遠…」
「下？」
「由地下到呢度，我地差唔多行左五分鐘，如果要我日日咁樣行，都幾煩，朝早遲到咪大穫！」
「所以我每日都好早番學囉」
.
終於到達方晴住的樓層，整棟大廈有三十五層，她就住在第二高的第三十三層，一出電梯已經被嚇到，一層樓竟然只有三戶，太誇張了吧！
.
我拿著門匙，慢慢地轉開門鎖，一推門進內，看到空無一人，進內再三確定後，就向電梯大叫。
.




「無人呀，可以入黎喇！」
方晴戰戰兢兢地走進
.
「真係無人呀？」方晴問
「唔係呀」
「下？！！」
「有我囉，傻瓜你自己睇喇」
「衰人！仲要玩我！！！」
「好喇，快啲去執野喇」
.
第一次來到方晴的家，不自覺地四處張看。
天啊！這間屋也太大吧？
光是客飯廳就已經大過我們家，還有露台，廚房內竟然還有工人房，裏面連洗手間也有！
.
三間房，一間房為主人房，另一間就是書房和雜物房，最後一間自然就是方晴的房間。




.
我敲一敲門
「入黎呀」
.
第一次入女孩子的房間，牆身用了粉藍色，很整齊，有大大的衣櫃，書桌和個人的手提電腦。
「做咩呀？」方晴問
「無呀，第一次入女仔房」
「覺得點呀？」
「好整齊，同埋…好大」
「係喎，你可唔可以幫我係床下底攞個喼出黎？」
「好呀」
.
「呀晴」
「唔？」
「你真係要搬過黎？」




「做咩呀，你唔鍾意呀？」方晴緊張地問
「唔係呀，但係呢度同我屋企比…」
「但係呢度無你喎，又無伯母的愛心湯水，更重要，呢度無你屋企的家庭溫暖」
「嗯」
「你呀！唔准又自卑！總之我跟實你架喇！」方晴調皮的說
「咁我去廁所你都跟埋黎呀？！！」我反問
「唔得呀？」
「得，實得架！」
.
當我看到方晴收拾內衣褲時，我連忙閃避目光
「咳咳～我出去等你呀，你慢慢執」
「哎喲，有人怕羞呀，好喇，你出去坐下」
.
等了一會，方晴就帶著一個大行李喼走出來。
「執好喇？」




「執好喇」
「一個喼？」
「唔係係想要幾多個？」
「冬夏衫褲鞋襪都有？」
「用個袋執多兩三對鞋囉」
「仲以為你會攞好多野」
「夠著咪得囉，唔好用你屋企咁多位麻」
「咁又係，我地屋企咁細…」
「司徒駿！！」
「係喇係喇，唔唸唔唸！行喇，唔係等陣佢番黎就大穫」
「嗯！」
.
Facebook：微言
Instagram：smallpotatosay
一至六每晚7點，重溫當年走過青蔥的歲月




Facebook, Instagram, 紙言, 高登共同發佈