《只有一棵樹的森林》: 第八十二章

媽媽辦理好手續後，就和我們一起離去。
.
「對唔住呀伯母，麻煩你喇，要你特登黎學校」方晴歉疚的說
「傻女黎既，不過真係嚇一嚇，突然收到電話，呢個呀駿又講得唔清唔楚！」
「咁事態緊急麻，緊張左少少」
「嚇到我以為你地犯左咩事，要見校長咁大穫！」
「係喎，校長同左你講咩？」我問媽媽
「主要都係問下呀晴聖誕假期係我地屋企的情況，同埋問我有無信心可以照顧好呀晴，同埋仲有…」媽媽看一看我
「仲有咩？？」
「算你叻喇，令到媽媽攞番啲面子」




「下？？？」我不明
「頭先傾完呀晴後，校長就主動向我讚你，話你係個好學生，進步好快，叫你繼續努力呀！」
「其實，讀書呢樣野，根本難我唔到，之前只係我一直唔發力啫，我一發力即刻非同小可！」我囂張地說
「嗱嗱，讚下你就懶得戚，如果唔係為左方晴，你會咁努力讀書咩？」媽媽一語道穿事實
「邊有！」我硬撐著
「真係？？？」方晴也很好奇地問我
「咦，今晚食咩好呢」
.
媽媽帶著我倆走到街市買菜，一路下來都聽到不少有趣的對話
「咦，司徒太，多左個女既？」




「呢個係我個仔個女朋友黎架」
「嘩，你真係有福喇，宜家好少後生女肯黎街市買餸，好多都嫌污漕」
「唔係呀，街市的野又新鮮又平，姨姨又好」方晴說
「嘩，你呢個新抱仔得呀，咁好口，等姨姨計你平啲」
「多謝姨姨」
.
買完菜後，媽媽一直都笑不攏嘴。
「媽咪，請問你一直係度笑咩呢？」
「無呀」
「無！你由買完餸就一直傻笑到宜家」




「都話無囉！」
「唔使問喇，肯定係因為頭先係街市被班呀姨讚喇」
「係呀！你個死仔，咁耐以來你陪過我幾多次黎買餸呀？？」
「咁我要番學麻」
「咁放假呢？」
「Err…」
「你自己都識Err喇，咁宜家呀晴陪我買餸，我開心都係正常架！」
「伯母，如果你鍾意既，我日日考完試都黎陪你買餸呀」
「傻女黎既，你要溫書架麻」
「咁買餸都唔係用好多時間啫，更何況我可以當係休息時間，落黎行下」
「你真係乖！」
.
回到家後，媽媽就走進房間。
「黎，呀晴，呢封利是伯母俾你買野，買下日用品，衫褲咁」
「唔得架伯母，我唔可以收架」方晴拒絕




「點會唔得呢，你係度住，多少都要用錢」
「我仲有唔少之前Daddy俾我的零用錢，伯母，我已經係度白食白住，真係唔可以再收你啲錢架！」
「你都叫我伯母，咁你都無謂要我無面，伯母我舉手不回既，乖，收左佢」媽媽堅定地說
「呀晴，咁你就收左佢喇」我也勸方晴收下
「咁樣…好喇，我收左佢，多謝伯母，不過呢啲錢我會用黎孝敬你，煮多啲美食俾你！」
「乖！」
.
「係喎，咁呀晴你之前係唸住黎暫住，但宜家要長住，衫褲鞋襪，日常用品，就要去買喇喎」媽媽說
「我唸住聽日考完試番屋企攞呀」方晴答
「下，你仲唸住番去？好危險喎」媽媽擔心地說
「咁我所有野都喺屋企，我唔想嘥錢買呀，放心喇伯母，我會叫呀駿陪我上去架喇」方晴說
「咁呀駿，聽日你一定要睇住方晴呀！」媽媽叮囑我
「放心喇，我一定會好好保護佢！」我拍心口保證
「其實我唸住叫你幫我黎拎野架喎」方晴笑道
「係既，司徒太」




「你又搏大霧！」
「好喇，你兩個快啲去溫書喇！」媽媽吩咐
「係！」我倆又一起同步回答
.
這個下午，又是一個美好的時間。
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈