《只有一棵樹的森林》: 第八十一章

短暫的假期來到尾聲，也是時候準備好考試的心情。
假期後的第一天，終於有一日不用趕回去見方晴。
因為方晴正正就在我面前，我倆一起煮早餐，一起食早餐，一起準備出門。
我倆襯還未接近學校，就一起手拖手，一看到有其他人就馬上放手。
.
起床一張眼就見到她，然後一起煮早餐，再一起上學，上堂小息，放學就一起去買菜，之後回家。
這樣的生活，雖然平淡，但已經很足夠。
.
回校後，我倆一起再努力，作最後的衝刺。
高中的考試較初中輕鬆，雖然科目的深度更大，但長了時間，少了科目，所以我覺得壓力較少。




.
第一天都只是語文科，所以輕鬆過關。
考試完成後，朱老師走到上禮堂的講台。
「麻煩4C班方晴同學等陣上前黎講台」
.
事出突然，我也不知道發生了甚麼事，所以也上前了解。
.
「咦，呀駿，我淨係叫呀晴出黎咋喎」朱老師覺得奇怪
「我擔心唔知有咩事，所以先跟住黎」
「果然愛得癡纏」




.
「呀晴，朱sir想問你，聖誕假期問你去左邊？」
方晴就一五一十全告訴予朱老師。
.
「下，原來有一段咁的前因…」
「究竟發生左咩事？」我問
「件事係咁既，早幾日學校收到個電話，係由方晴爸爸打黎，佢話方晴在假期開始後就離家出走，咁我地問點解，佢話應該係關於拍拖，佢話佢唔批准方晴同其他男仔拍拖，因為方晴本身已經有未婚夫」
「個未婚夫係佢爸爸安排俾佢既」我插口
「呢樣我都知，但佢就係講到方晴係為左你先離家出走」
「有無搞錯呀！」我怒道




「咁我Daddy仲有無講其他野？」方晴問
「仲有一樣比較奇怪就係，當我地問佢有無報警時，佢竟然話千祈唔好，只係話如果方晴有番學校，就要打俾佢」
「咁樣…」
「我地已經打左電話，校長等緊你」朱老師對方晴說
.
方晴望一望我
「你去呀，我係校長室出面等你」我對她說
.
坐在校長室門外，我坐立不安，十分擔心不知道方晴要怎去面對。
等了好一會兒，朱老師走出來。
「呀駿，校長都想你入去」
「下，哦，好」我跟著入去
.
入到去，看到除了方晴和校長，還有方晴爸爸，竟然…還有何能夠！！他也進來了？！！
「就係你呢個衰仔帶壞我個女！！」他衝向我




「方晴爸爸，唔好咁衝動」朱老師阻擋了我
「由佢喇朱sir，俾佢發泄下」我說
「你唔好咁得戚！」
「你連你個女都打得落，點會唔敢打我！」
「你！！！」
.
「算，方晴跟我番屋企！」他捉起方晴的手
「我唔要！我唔要再番去！」方晴鬆開她的手
「你！你幾時變得咁曳？」
「我唔要再做你的搖錢樹！」
「方生，或者你出去先，等我同校長同方同學再傾下」朱老師說
「好，我一於係出面等你！」
「呀駿留係度」
「係既朱sir」
.




此時，校長室就只剩下校長，朱老師，方晴和我。
「好喇，宜家得番我地四個，方同學，我想聽下你意見」校長說
「校長，我真係唔想番去！如果我番去，只會俾佢當係搖錢樹，逼我快啲同何能夠結婚」方晴激動地說
「我明白，但始終你未夠十八歲，係無可能自己住…」
「校長，咁如果方晴有另一個監護人呢？」我問
「咁樣…始終佢爸爸係直屬親人，所以手續上有啲麻煩」
「校長，我爸爸之前係咪同學校講唔好報警？」方晴問
「係呀」
「我唸到喇，因為佢之前有軟禁我，仲有打我，佢怕件事發大會影響我嫁出去的機會」
「咁我地應該點做？」我問她
「咁我地就要靠朱sir」
「我？」朱老師愕然
.
一會兒後，朱老師就回來了。
「你爸爸走左喇，佢一聽到係話要報警，個樣嬲到想食人，佢仲話唔會就咁算」




「咁方同學，你宜家可以去邊？」
「佢可以去我屋企」我說
「哦，你兩個的關係…」校長笑道
「校長，係因為我走頭無路，所以整個假期都去左呀駿屋企住」
「哦，咁司徒同學，可能要麻煩你屋企人黎處理一啲手續，證明方同學正被另一位監護人照顧」
「好，咁我打俾媽媽」
.
等了一會，媽媽就來到了學校。
校長就叫我和方晴先出去，讓他和朱老師跟媽媽談一談。
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈