《只有一棵樹的森林》: 第八十章

早上的時候，由於我習慣天未光就起床，所以我現在起床都格外小心，慎防弄醒了她。
.
每天早上看到身邊的，不再是玩偶，而是你，我都會覺得十分滿足，早上也特別起勁。
晨操回來後，有時候方晴還未起床，我就會煮好早餐等她起來。
看到她睡眼惺忪的樣子，也特別覺得好笑。
.
「呀駿，點解朝朝起身都唔見左你既？」
「我去左晨操麻」
「咁都唔使咁早起身呀？宜家假期喎…」
「哈哈，我習慣左麻」




「唔理呀，聽日開你唔准再留低我一個，起身得自己一個見唔到你，真係好無安全感」
「咁你想我點做？」
「聽日你要叫埋我起身！」
「下！好早架喎！」
「我唔理，總之你去邊我去邊」
「哦，好，你起到身先算」
.
第二天清晨，我如常地起床，當然也有嘗試叫她起床。
「唔～我訓多陣就會起身架喇…你刷牙洗面先喇…」
.




結果，刷完牙洗完面，有人當然繼續睡得像豬般。
「喂喂，我落去喇」
「唔…」早就說你會賴床吧
臨出門前，看到她熟睡的樣子，我再親她額頭一下。
.
操練過後，回到家時突然感覺到一股殺氣…
「司徒駿！！」
「我今朝有叫你起身架」
「你知唔知咩叫做叫人起身？！！即係要叫到個人起身為止！」
「但有人訓到隻豬咁喎」




「邊有呀！」
「唔信你自己睇喇」我拿出手機
「你偷影我！！」
「嗱，我無呀，我叫左你好多次架」
「聽日！聽日我一定得！！」
「聽日再算喇，溫書喇！」
.
這個假期，本身就預備努力溫書，總不能因為方晴來了就鬆懈。
.
反而，有了方晴，如果我有不肯定的，也可以問方晴。
「呀晴，呢度呢，係咪應該係咁樣？」
「係呀，無錯！」
.
「呀晴你黎左真係好，之前幾日呢個仔又係狂溫書，但目無表情，粒聲唔出，嚇得我。你黎左後，佢又精神左，又開心左」
「媽…」




「得喇，唔講喇，我出街呀」
「小心啲呀」我叮囑她
「伯母去邊呀？」
「出去玩呀，唔好係度做電燈膽麻」
.
幾天下來，我和方晴都十分努力準備考試。
我倆加在一起絕對大於二，有了她，我溫習就更加事半功倍。
而慢慢，方晴也習慣了早起。
從一開始的睡眼惺忪，娓娓道來；慢慢跟上節奏，開始跟上我的腳步；到現在，她接近跟我同步起床。
.
剛醒來的時候，第一眼就是看到對方，然後我們習慣給對方一個長長的早晨之吻，作為最美好的開始。
.
「以前成日都要早起身，但每次都係匆匆忙忙，宜家先發現清晨的空氣係咁清新！」方晴說
「係呀，自從我開始朝早特訓後，我的身體都健康左唔少，病少左好多」
「又好似係喎，你今年都未請過病假」




「所以我明點解啲公公婆婆要日日晨運」我說笑
「咁你即係話我地係公公婆婆？？」
「無呀，我想話我地似老夫老妻多啲」我抱著她的手
「司徒駿！」
「我認真架，我好希望我可以一直拖住你隻手，每日一齊黎散步」
「呀駿…」
「好喇，要番去喇」
.
假期也即將完結，考試將緊接而來。
活在美夢多日，也是時候要面對現實了…
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈