《只有一棵樹的森林》: 第七十九章

「老公呀，食完飯我有啲野想同你講」媽媽率先打破沉默
「哦，好呀，咁我地專心食大餐」
.
食過晚飯後，我和方晴就一起收拾東西。
「呀駿呀晴，你地今晚幫我洗碗呀」媽媽說
「哦，知道」
「老公，我地入房傾啲野呀」
「哦，好呀」
.
爸媽入了房後，方晴就顯得更加緊張。




「點算呀駿，如果世伯唔俾我留係度點算？我好驚呀」
「唔使驚，萬大事都有我陪伴你！」
「但係…」
「總之如果呢度留唔到你，我都唔會留係度」
「呀駿…」
「快啲洗碗喇，做好你的賢淑司徒太」
.
洗好碗後，我就陪方晴坐在沙發等候結果。
爸媽從房間出來時，都十分嚴肅。
.




「呀晴，世伯有啲野想問你」爸爸開口
「係，請問」
「你係咪俾你爸爸迫婚？」
「係」方晴肯定地答
「但你要嫁既係豪門王子喎，生活一世無憂」
「佢有幾多錢都唔關我事，我根本都唔鍾意佢」
「咁你有幾鐘意我地呀駿？」
聽到這個問題，我也不禁肅然起來。
.
方晴想了一想




「論付出，我未必及得上呀駿為我的改變，但唔代表我唔夠愛佢。我好愛我爸爸，但我亦好愛呀駿，我唔希望佢地兩個會因為我而有任何爭坳，我更加唔想失去佢地一個！」
「呀晴…」
「唔，好，媽咪你話事喇」
「下，哦」媽媽被嚇一嚇
.
「咁好喇，由今日開始，屋企既家頭細務，你就要幫手喇，最緊要睇實我呢個仔，篤促佢努力溫書…」
「媽，我仲唔夠努力溫書咩？」
「我肯定呀晴黎左後，你肯定變金霸王，滿哂電力」
「咁媽咪，呀晴訓邊？」爸爸問
「屋企就得兩間房，一間我地，另一間就…佢地識做架喇」媽媽輕挑的說
「多謝世伯，多謝伯母！」方晴感激地說
「仲叫世伯伯母，要準備改口叫呀爸呀媽喇」媽媽笑說
「媽…」我無奈說
「媽咪，抹一抹口水先喇，你恨飲新抱茶恨到流哂口水」爸爸也笑說
「係架，如果我新抱係呀晴，我即刻簽紙俾佢地結婚！」




.
隨著一陣陣的歡笑聲，方晴的心也終於可以定下來。
而我，這個假期也終於不需要獨自一人。
.
「對唔住呀，屋企比較細，張床淨係預我一個人訓」
「傻喇，我覺得幾好呀，細細地一家人一齊住，不知幾有家庭溫暖，你唸下，一個人對住過千呎的空屋，仲慘呀！」
「咁又係…」
「更何況，係呢度成間房都係你的味，我覺得好有安全感，訓得仲舒服」
「媽咪成日都話我間房好大陣男人味，好臭喎」
「哈哈，但我鍾意聞喎，我覺得幾香呀」
「傻，上床訓喇」
「好耶，今晚有你陪我訓！」
「你訓入面喇，咁樣就唔怕跌落床」
「咁你呢？」
「反正我琴晚都係訓地下，有咩所謂」




「咁樣喇，我同你面對面訓，咁我地咪會用少啲位」
.
當我倆面對面時，彼此都可感受到對方正在加速的心跳。
Muah！
我忍不住親了她的額頭
.
「早抖喇」
「早抖」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈