《只有一棵樹的森林》: 第六十五章

大家來到淺水灣後，都十分雀躍。因為這裏比深水灣更大，風景更漂亮，大家也急不及待換了沙灘裝。
方晴也換了裝，不過卻是排球裝。
.
「嘩，呀晴你連排球都帶埋黎呀…」我問
「唔係呀，我唸住帶黎同大家玩架咋」方晴連忙解釋
「傻瓜，我又無話咩野，咁你可唔可以教我打？」
「下，哦，梗係可以喇！」
「師傅，請指教！」
.
其實我中一時有參加過班際排球比賽，那時候和一眾隊友也練了兩個星期，所以也有點基礎。




「呀駿，你打得好好呀」
「都係你教得好啫」
.
「喂，你地打緊波呀？我同杜杜又玩！」Kathy突入
「下，Kathy bb，我唔識打架喎！」杜杜一面驚訝
「怕咩啫，打打下就識架喇！」Kathy拉著杜杜走入球場
「啱喇，一於我同方晴一組，Kathy就同杜杜一齊！」我說
.
我這個好兄弟，當然要好好招呼一下他，把球盡量打到他身上，讓他醜態百出。
.




「司待駿！！你使唔使球球都打俾我呀！」杜杜氣道
「哎呀，咁人地淨係見到你麻！」我裝腔地說
「你！好野！我實報牛！」
「隨時奉陪！」
.
慢慢，愈來愈多人加入，也愈來愈融洽，大家也樂在其中。
方晴也因為大家的陪伴，變得更開心，笑得更燦爛。
.
很快，時間也差不多，也是時候要走了。
但這個時候，卻來了個不速之客。




.
「方同學」沒錯，又是他，煩膠何能夠
「咦，仲未死咩？咁多人死唔見你死！」杜杜忍不住口
「杜杜！」我喝住杜杜
「呀能夠同學…」
「都話叫我英文名囉！」他氣道
「哦…英文名」
.
我望著大家
「Can！」全班一起大叫
「Mr Can，有咩幫到你呢？」
「你地！！！算，我係黎接方晴走既，方同學，我今晚訂左法國菜」
「法國菜？你煮呀？」方晴問
「哈哈，方同學你真係識講笑，我訂左米芝蓮三星餐廳」
「唔好意思，呀晴對米豬蓮無興趣，佢只係對自家煮有興趣」我搶說




「無錯，同埋就算食，都唔係同你！」方晴說完後望住我
.
「唔緊要，咁我送你番屋企，我架車泊係附近」
「唔使喇，我同大家一齊搭旅遊巴番去就得架喇」
「我…」
「呢位同學，根據學校規矩，學生必須跟從規定的交通工具往反，而且，我亦唔明白點解你會脫離班群，黎到呢度」朱老師也出手了
.
「我…」
「我咩呀，肯定係偷走！」杜杜插口
「我要偷走？我堂堂正正請事假既！」
「哦，請事假黎隔離班旅行」我加口
「你！」
「呢位同學，一係你宜家走，如果唔係，我番到去會如實報告，你唸好原因同訓導老師解釋！」
「你…你好野！睇住黎」說罷他就走了
.




「朱sir好野！」
「大家快啲執野喇，要起行喇」
「多謝你朱sir」我向他說
「傻既，你地係我既學生，我梗係要保護你地！」
「但係…」
「唔使但係，我唔怕！佢咪同校長投訴，我行得正企得正，怕佢咩！更何況，我有你地！」
「無錯，我一定會撐爆朱sir！」
「下？咁又唔好，我個肚未咁大，唔使幫我撐爆！」
「哈哈！」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈