《只有一棵樹的森林》: 第六十六章

上車後，大家也坐回之前的位置。
.
「司機，麻煩你先去…」朱老師跟旅遊巴司機說
「朱sir，點解要去我屋企先？」方晴問
「何能夠呢啲有錢仔，最講面子，頭先咁樣當眾落佢面，佢點會咁易放棄，肯定會揸車番學校等」
「咁點解我地唔直接番學校再落多佢一次面？」杜杜問
「梗係唔好，正面交鋒呢樣野可免則免」我說
「無錯喇，大家只會兩敗俱傷，最後只會苦了方晴」
.
「呀駿，我有啲攰呀，可唔可以…」方晴對我說




「黎呀，訓落我膊頭，順便用我件褸搭住個身，唔好凍親，到左我再叫你」
「嗯…」
.
很快方晴就熟睡了，那邊廂Kathy和杜杜也摟在一起睡了，大家玩了一整天也累了。
看著睡得正甜的方晴，有時候我也會懷疑，究竟是她真的太累，還是我這個「私家枕頭」太舒服，有了充足安全感，所以才睡得這麼好。
.
剛好，手機上正顯示一張圖片，上面寫著，
「每晚訓覺個時，望住床上面隻公仔，我都會係度諗，隻公仔幾時先會係你」
.
對啊，說得正中，有時候看著空空的床，都會在想何時我的身邊會多了她，細心的照顧我。




看著正在甜睡的她，我知道雖然路很遙遠，但這刻，你確確實實躺進我懷中。
.
去到方晴家樓下時，方晴仍然熟睡著，難得她安睡，我也不想叫醒她。
.
杜杜替我把我倆的背包先放下來，我再背著她下車，走到她家樓下的小涼亭。
.
看著她熟睡的樣子，睡得連被我背下車也全無感覺，真的很可愛，可愛到我忍不住在她臉頰上親了一口。
.
「唔～」
「醒喇？」




「嗯，我訓左好耐喇？」她伸一伸懶腰
「你自己睇下」
「嘩，做咩到左唔叫我呀？」
「咁你難得訓得咁甜，我又點捨得叫醒你」
「傻瓜！咁我究竟點落車架？」
「我揹你囉」
「下？！！」
「係呀，你又唔重，無難度」
方晴聽到後，感動得親了我臉頰一下。
.
「你…你攰啦，快啲番上去休息喇」
「傻瓜做咩面都紅哂？」
「無…無呀」
「無？口都窒埋，傻瓜，我上去喇」
「嗯，小心啲呀，番到上去揾我」




「你星期日真係要黎？」
「點解唔黎？」
「好喇，星期日見，miss you！」
.
今年的旅行日，比去年來得平淡簡單，但卻一樣的甜密。
其實，有時候，我們更嚮往的，不是高低起伏，刺激萬分，反而是水平如鏡，細水長流的愛情。
.
刺激帶來一時的快感，但穩定卻帶來一生的幸福。
現在的我，很幸福很感恩。
.
「方晴，我愛你！」
.
Facebook：微言
Instagram：smallpotatosay
一至六每晚7點，重溫當年走過青蔥的歲月




Facebook, Instagram, 紙言, 高登共同發佈