《只有一棵樹的森林》: 第六十四章

到了深水灣後，大家都急不及待走去搶燒烤爐。
我們來得早，所以附近也沒有其他人。
.
他們總共搶了六個燒烤爐，接著… 又是我的時間，班上又是沒有人懂得起爐。
幸好今年有一班兄弟幫我堆炭，總算幫輕了我不少。
.
雖然已是十一月，但陽光還是非常猛烈，加上接近爐火，全身都濕透，眼睛也快將睜不開。
突然，一條濕毛巾在我頭上游走，我轉身一望。
.
「我阻住你呀？」原來是方晴




「唔係呀，點會！」
「你繼續呀，我係你背後，嘻嘻」她傻傻的在笑
有背後的方晴支持著，我動力也加強，很快六個燒烤爐全也起火了。
.
「辛苦男班長！！」一班同學搞鬼的向我九十度鞠躬
「黎，飲支水先喇」看到方晴遞給我的水
「你都飲啖呀」我飲完後遞給她
她十分順其自然地飲了一口
.
「Yeah！」




「傻瓜做咩呀？」
「你飲左我口水尾，要聽我話」
「傻瓜，咁我地成日都飲到對方口水尾架喇」
「我唔理呀，總之今日你要聽我話！」
「好好好，咁你想點？」
「我想食燒雞翼！」
「你呀！好喇，咁你坐係度等陣喇」
「我要多蜜糖！」
「係既司徒少爺！」
.




其實，上年試過方晴的蜜糖燒雞翼後，一直都難以忘卻，實在太好食，回味無窮。
.
「嗱，你要既雞翼」
「辛苦你喇，唔～好好食！」
「傻瓜，慢慢食喇」
.
大家一整個上午都是在燒烤，填飽肚，好好準備下午。
.
「好喇各位同學，大家應該都食得八八九九，俾多半個鐘大家，然後我地就熄火執野，準備我地既下半場，大家話好唔好？」
「好！！」
.
如果說方晴是球場上的領袖，那麼Kathy就一定是班房裹的領袖。
當了主席一年多，從班會的大小事務到旅行或是燒烤日的一切事宜，Kathy都處理得妥妥當當，從來也不會令人擔心。
.
正因如此，朱老師也樂見Kathy連任班會主席，品學兼優的她，讓朱老師放心讓更多的事情交予Kathy處理，亦令Kathy更有信心，經驗愈積愈多。




.
「大家行喇！跟住我！男女班長就殿後睇住大家喇！」Kathy說
「男女班長慢慢行喎，我地行先喇！」大家說
.
大家也很懂得世故，特意讓我和方晴有一段獨處的時間。
.
「呀駿」
「唔？」
「星期日你不如唔好黎？」
「點解呀？」
「我唔想你再睇到我喊呀…」
「傻瓜黎既，每個人都有情緒，有情緒都應該發泄。如果你發泄的對象唔係我，我仲傷心！」
「呀駿…」
「傻瓜，唸咁多做咩呀？都未打就認輸？」
「點會！」




「咪係囉！更何況，今日係旅行日，應該輕輕鬆鬆架麻！你睇，個海幾靚！」
「嗯！」
「難得我地可以獨處，仲可以沙灘漫步，梗係應該專心享受下！」
「咁仲唔行！」
「等埋我呀！」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈