《只有一棵樹的森林》: 第六十三章

來到旅行日，由於班上的男生都說要分別來替我和杜杜拿東西，所以今天出門的時間也延遲了。
九點出發，所以大家八點半就要集合。
八點我就出門，到樓下等待他們。
說真的，其實我一個人也可以，就當作是負重練習，不過他們這份好意我也不好意思拒絕。
.
大家一起拿東西回到學校後，我就四周張望，在找方晴。
.
「傻瓜，我係度呀！」方晴在我後方叫我。
.
我一轉身，看到一個身穿白色襯衣，深藍色高腰褲，灰色長外套，還有簡單的球鞋，這個配搭加上長髮，實在是令我醉倒。




.
「傻瓜，做咩又呆左呀？」
「你今日…」
「我今日做咩？咁著唔靚呀？」
「係太靚！」
「司徒駿！」
「我講真架！咁樣著好襯你，將你既氣質突顯哂！」
「好喇，快啲黎食早餐喇！」
「好呀，今日有咩食？」
「係你未試過既！」




「？？？嘩，係熱香餅！」
「仲有塊漢堡扒，呢度有壺朱古力！」
.
話說我十分喜愛麥當當的熱香餅套餐，大概是因為小時候常和我最愛的公公一起吃。
但是，方晴常說麥當當的食物不健康，所以我為了她，也逐漸戒掉，加上附近也沒有麥當當，買早餐不太方便，於是這份熱香餅早餐也慢慢久違。
.
「我知你鍾意食，所以我就學點樣整」
「多謝你呀…」我望到這份早餐，忽然覺得眼眶濕濕的
「不過我無整到薯餅，因為太熱氣」
「唔緊要，我都戒左，呢度已經好夠」




.
吃過早餐後，也是時候準備排隊出發。
我和方晴分別負責點男和女的人數，很快我們就點齊人可以出發。
.
「等陣男女班長一齊坐前面呀，方便點人數」朱老師跟我們說
「知道朱sir！」我們一起回答
.
結果，留空了第一行，我和方晴就坐在第二行的雙人位，而杜杜和Kathy則坐在旁邊的三人位。
朱老師則坐在我們前面。
.
在開車安定後，朱老師就跟我們閒聊。
.
「開左學咁耐，你地覺得點呀？」
「都可以」「ok喇」
我和方晴，杜杜和Kathy分別一起說出一樣的答案。




.
「你地呢兩對呢，愈黎愈有默契呀！」朱老師笑一笑
「朱sir呀！」我說
「不過講真，老師好榮幸可以教到你地，亦睇到你地慢慢互相影響，一直改變。最重要係，拍拖後成績不跌反升，尤其係呀駿同杜杜，令到大家一直覺得讀書拍拖等於成續跌呢樣野，好好作出平反」
「其實好多謝朱sir你咁努力用心去教我地」我說
「你呀，其實係一塊寶玉，只係未經琢磨，宜家再睇，確實唔錯，不過要保持住！」
.
「朱sir！」
「點呀Kathy？」
「其實你係咪真係因為呀駿而教我地？」
「哈哈，如果我話係你信唔信？」
「我信！」我堅定的說
「哈哈，其實可以教到你地，亦都係好難得，一班出齊全級頭三名，我身為老師都覺得光榮！」
「哈哈哈！」
.




朱老師就是這一種人，謙遜得令你由心地敬佩他，他永遠都是我心中的「最佳老師」。
. 
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈