《只有一棵樹的森林》: 第六十二章

完成了緊張的派卷，也是時候輕鬆一下，準備下一年一度的旅行日。
還記得去年的旅行，我正在專心準備班際籃球比賽，所以半點準備也沒做，也讓方晴要幫我負擔。
.
今年，我絕不能讓這件事再發生。
於是，我召喚各路人馬，幫我一起去買旅行的用品。
.
「呀駿哥，你既各路人馬就係我地三個？」
杜杜看著自己，波仔和我…
.
「咁同我熟既，來來去去都係得你兩個…」




「算喇杜杜，快快手買完野攞上去喇」波仔說
「仲有我地！！」一羣上年的隊友也來了。
「你地！」
「係我叫既」杜杜爭相認叻
「我地聽到隊長要用人，就即刻落黎！」
「多謝你地！」
「咁我地仲等咩？行喇！」杜杜說
「咪住，我地有咁多人，無理由一齊入去。我地有唔同野要買，咁我地一於分工合作，買完就番黎呢度集合」
「隊長果然係隊長，特別有領導才能！」
「行喇！」




.
我們分成三小隊，分別負責街市，超級市場和雜貨，當然很快就完成任務。
.
「多謝你地既幫忙，感激不盡！」
「講呢啲做咩呀，你係我地既隊長，隊長有需要，我地梗係要幫手！」
「都唔知點多謝你地！」
「唔好再咁客氣喇！係既就同我地打番場波！」
「好呀！擇日不如撞日，拎完野番上去就開波！」
「好呀！」大家異口同聲
.




結果，這班兄弟又聚在一起，一起在球場流汗，歡笑，很久也沒感受到這種歡樂，真享受。
.
來到星期四，放學的時候，Kathy和方晴聚在一起。
.
「咁我地一陣就咁樣喇」Kathy跟方晴說
「嗯！」
「兩位傾緊咩呀？」我問她們
「講緊買旅行啲野咋麻，你呀！今年一定要負責拎！」方晴對我說
「唔使喇！」
「下？」
「早幾日班兄弟同我一齊買哂喇，基本既就放左係locker，食物就放左係我同杜杜屋企」
「下，點解我地唔知既？」Kathy驚訝地問，剛好杜杜回來。
.
「杜杜，你無同Kathy講我地買左野咩？」
「無呀，諗住比你威下呀麻！」




「死杜杜，咁如果我地買左同一樣野點算？！！」Kathy扭著杜杜的耳說
「痛痛！！！唔好嬲住，咁宜家知都無問題呀」
「原諒佢喇Kathy，佢都係為我好啫」我也替杜杜求情
「係囉Kathy，由佢喇」方晴也幫口
「你睇你，幾多人幫你！下次睇你仲敢唔敢！」
「點敢，不過打者愛也，bb扭得愈大力即係愈愛我！」
「咁等我扭得再大力啲先！」
「咁又唔好！」
「唔好走呀！」
「走喇！！」
.
「哈哈哈，佢地兩公婆永遠都係咁，一個願打一個願捱」
「睇到佢地都覺得幸福」方晴歎氣說
「做咩呀晴？」
「無事，係喎，做乜自己一個人買哂啲野？！」




「咁你上年咁辛苦，今年梗係到我做番！」
「下次唔準呀！」
「哦…」
「應該要等埋我，兩個人一齊去，我負責買，你負責拎！」
「知道！」我挑皮的說
「傻瓜！」
. 
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈