《只有一棵樹的森林》: 第六十一章

「仲有三位同學，分別佔據頭三名，大家又覺得邊個係第一？」
「方晴！」很多同學異口同聲的說
「好，我先宣佈第三名… Kathy！」
「多謝老師！」
.
「好喇，剩低既兩位同學，相信大家都非常非常認識喇，一位係天之才女，另一位係後起之秀，兩個都非常優秀」我和方晴互相對望，笑了一笑。
.
「今次既第一名，非常非常努力，佢用比其他人兩倍時間去溫書，佢話俾大家聽，曾經跌倒唔緊要，最重要識得企番起身！恭喜你，司徒駿！」
聽到自己的名字，我完全不敢相信。
我呆了幾呆，樣子完住一幅愣然。




.
「係你呀，出去喇！」方晴拍一拍我
「嗯…」
.
「做得好好呀，你真係無令我失望，我為你而驕傲！」朱老師對我說
「我會努力架！」
.
看一看試卷，九十九分，差的一分，是漏了個單位…
歷史新高！讀書這麼多年，考試真的未試過有九十分或以上，這完全讓我覺得自己是活在夢中。
.




「傻瓜，你唔係發緊夢呀！」方晴對我說
「對唔住呀晴」
「下？」
「你得第二，番去一定俾世伯鬧，唔係我影響你，你就唔會考唔到第一…」
「傻瓜，我攞第二係因為我答錯一條，係我自己既問題，唔關任何人既事」
「但係…」
「好喇，你再講既話，我就當你呢個第一串緊我呢個第二架喇！」
「唔係呀！」
「咁就得喇，傻瓜，唔好諗咁多喇！」
.




這一次，總是吐氣揚眉，光宗耀祖了！
.
接下來的星期，其餘六科也陸續派卷了。
我和方晴有一科選修科的不同，她讀生物，我讀西史，相同的是，我們分別考到第一。
至於中英文，通識，經濟和企業管理，方晴都順利考到第一，尤其是經濟科，一百分滿分！
而我，全部科都在八十分以上，今次總可以開個好頭，而且我也沒有令到方晴失去全級第一的位置。
.
至於杜杜，對比去年的勉強合格，縱使今年升到中四，科目難度被提升，他也稍有進步。
而最令Kathy欣慰的，不是杜杜成續上的進步，而是他態度的改變，對讀書更認真更努力。
對於杜杜來說，Kathy就是一切。他願意為了Kathy做一切的事，只要能令她開心，令她滿足。
現在的杜杜，撇下從前的稚氣，變得更男人。
.
「Kathy，你願意原諒我嗎？」杜杜手拿著成績表，單腳跪下
「傻左咩你，好多人望住呀！快啲起身喇！」
「你唔原諒我，我就唔會起身！」




「你！快啲起身喇！我睇到你既努力，為左我去改變」
「為左你，我願意做任何野！」
「傻瓜」
.
「你兩公婆顧下其他人好嗎？」我不爽地說
「咩呀！閃你咪閃你！我要報牛！」
「走喇！」
「你咪走呀！」
.
「喂你兩個！」方晴看見我倆在追逐後說
「由佢地喇，兩個大細路！」Kathy甜笑地說
「唔嬲佢喇？」
「見到佢為我做的改變，仲點嬲得落」
「認定左喇？」
「嗯，應該都係佢架喇」




「真幸福」
「咁你呢？」
「唔知呢…我都想…」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈