《只有一棵樹的森林》: 第五十八章

經過兩天的超級努力後，加上本身的天資，杜杜今次應該可以令Kathy另眼相看。
.
「BB呀，唔好嬲我喇，我真係有俾心機溫書架！唔信你問下呀駿！」
「係呀Kathy，佢真係黎左我屋企溫書！」
「哼！睇下你今次成續先算！」
.
來到考試的第三日，亦是最大考驗的日子，同一日先後應付數學和經濟的考試。
.
「呀駿！」
「呀晴！！我好掛住你呀！」




「我都係呀！！」
「喂你兩個，可唔可以唔好一番黎就閃死人！」杜杜說
「唉，由佢地喇，佢地兩日無見，我地行開喇」Kathy識趣地說
.
「你點呀？」我問她
「淨係留係屋企溫書，好掛住你呀！」
「我都係！兩日唔見你好似六年無見你咁」
「點解呀？」
「因為一日不見如隔三秋，咁兩日無見咪六個秋天，六年囉」
「你呀！」




「笑番就好喇，幾驚你又俾自己好大壓力！」
.
連考兩場確實有點困難，幸好數學要背的公式不是很多。
回想起來，數學本是我的弱項，但因為方晴和朱老師，我用雙倍時間去做數，追回失去的進度。
現在，數學已成為我最有信心的一科。
不斷的反覆練習，令我已經不需再死記公式。
.
順利考完第一場後，大家都急忙拋下所有公式，拿出經濟書，因為只有三十分鐘的間場時間，還未說要提早十五分鐘排隊。
.
對比數學，經濟有更多更長的理論需要記牢，因為大部份答案都需要在應用這些理論後，再加以展述。




所以，大家都很努力去記它們，尤其是杜杜…
.
「呀駿，呢度究竟係點？我仲係唔明」
「呢個時候，你梗係問Kathy喇，仲問我！」
「咁…我要努力俾佢睇麻！」
「無衝突架…抵死呀，平時咁歎呀！」
「係咪仲要咁呀！」
.
「點呀，有邊度唔識呀？」Kathy突然走到過來
「無…無呀」杜杜口窒窒地說
「攞黎喇！」Kathy一手拿走杜杜手上的書
.
「哦，呢度，就係咁咁咁…」
「嗯」杜杜很努力去聽
.




我慢慢走開，其實看到他們，真的有點點羨慕。
互相深愛著對方，看似玩世不恭的杜杜，為了Kathy，卻用力改變自己；而Kathy，雖然看似很惡，但也只因她緊張杜杜，如果你不愛一個人，是不會為他的事而著急。
.
有了Kathy，自然也不需要我，結果還是剩我一人。
.
「喂，去邊呀？」方晴在背後叫我
「番屋企咋麻」
「你唔食lunch咩？」
「無咩胃口…」
「咁你想唔想同我lunch？」
「想呀！！」
「傻瓜！咁行喇！」
「嗯」
.
「係喎，你今日考成點？」




「數學好好呀，經濟應該都無問題既」
「咁就好喇！」
.
「點解你好似唔係好開心咁既？」方晴問
「唔係呀…」
「係咪因為我呀？」我靜了下來…
「對唔住呀，我知我無咩時間陪你…」
「唔係呀，只是頭先見到杜杜同Kathy咁sweet」
「對唔住呀…」
「傻瓜唔使講對唔住喎，都唔關你事，過一陣我就無事架喇！」
「不如等陣一齊去自修室？」
「你無門禁咩？」
「平日Daddy番左工，只要係佢放工前番到屋企咪得！」
「多謝你！」
「傻豬，我應該做既，身為你女朋友，又點可以唔陪你！」




「抄我既！」
「嘻嘻」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈