《只有一棵樹的森林》: 第五十九章

整個期考對我的考驗其實不算大，加上方晴能夠在休息日中陪我出來溫書，令我即使在第二個星期有數天空窗期，也能維持作戰心態。
.
「時間到，各位同學請停筆」
終於…終於放下心頭大石。
.
「Woho！終於考完喇！」杜杜得戚的說
「哈哈，宜家就咁得戚，唔知邊個之前係咁叫救命呢？」我嘲諷他說
「超，考試咋麻，使乜驚呀！」
「咁你下次有難唔好揾我…」
「咁又唔好，駿哥咁好人，唔會睇住兄弟死都唔救既」




「等我諗下先喇」
.
「Kathy bb，考完試喇，我地去邊度玩呀？」
「彈開啲，邊個話嬲完你架！！」
「咁你之前肯教我…」
「之前肯教你係見你有心去讀，唔代表我原諒你！想我原諒你？睇下你今次啲成績先喇！」
「下！哦…」
「呀晴，我走喇，我地星期一見喇！」
「Bye Bye Kathy！」
.




「哎喲」我和方晴一同望向杜杜
「你兩個！你地好野！」
「Bye Bye喇！」
「你兩個睇住黎！我下次一定閃番你地！」
「走喇！閃光彈！」
「嘩，好閃好閃！我一定會番黎架！」
.
「咁我地去邊好？」我問方晴
「對唔住呀，其實我要練波…」
「係喎，你星期日有比賽喎！」




「係呀，所以…」
「所以我地宜家快啲去食野，然後一齊番黎我睇你練波喇！！」
「呀駿…」
「行喇！」
.
其實，常看到女生說，男生拍拖前拍拖後差很遠，確實我有部份認同。
有些男生，為了要追到女生，會做很多平時不會做的事，例如一早起床走到女生樓下等她，半夜速遞夜宵，每天說很多很多的甜言蜜語。
.
不是說這些行為不好，而是往往這些行為，都只會在拍拖前出現，希望獲得加分，增加成功的機會。
.
而拍拖後？
既然已得手，為何還要花心機去做這些那些？
慢慢，女生愈來愈付出得多，而男生呢？卻付出得愈來愈少，令這段感情慢慢變成一人獨自努力維繫。
.
至於我對方晴，由始至終都沒變，把自己的時間都盡量抽來陪她，不做多也不做小。




有時候，她會到我家吃飯，就是為了多陪我一會兒。
.
其實，愛情只需要拿出自己的真心，讓人家感受到，那麼其實已經足夠。
無論男生或女生，做回自己就是最好。
.
星期日的下午，來到小組賽的第三場。
今場比賽，整隊都發揮得不好。
受限於期考，排球隊已經兩星期沒有練習。對比對手的恆常練習，狀態完全被比下。
.
結果，零比二的局數落敗，也是可以預計到的。
而對今季第一場的落敗，大家都明顯心情不好，尤其是方晴。
.
梳洗後，我們一直沒有說話，我只是一直慢慢跟著她的步伐，圍著公園走。
走了不知多久後，方晴突然停下腳步…轉身衝進我懷中。
.




「嗚呀…嗚嗚呀…」
「喊喇，喊出黎會舒服啲…」
.
除了這樣安慰她，還有把膊頭借出來，我就想不到其他的方法去開解她…
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈