《只有一棵樹的森林》: 第五十一章

在醫院休息多一晚後，完成所有檢查確定無其他問題後，翌日中午就可以出院。
不過縱使出了院，但仍然要為右腳戴上保護裝備，還要用拐杖，以適應被撞後的康復。
.
回到家後，媽媽馬上去準備碌柚葉水讓我洗澡，希望我把衰運都洗走。
晚上，媽媽也煮了很多我很喜歡食的菜，讓我滿足一下。
.
晚飯過後，當然要向親愛的她報告。
「我食完飯喇」
「你點呀？」
「無事呀」




「係咪架？」
「右腳要戴保護裝備同埋用下拐杖咋麻」
「咋麻！！！」
「有咩咁大驚小怪，遲啲都要用架喇，學定先囉」
「亂講野！」
「咁係呀麻！每個人都會老，老既時候，就無辦法唔面對現實」
「傻瓜！」
「我聽日就會番黎架喇」
「I miss you!」
「我都係！」




.
有時候，甜蜜不需要做很多事，簡簡單單的，它就會流露出來。
愛情，本就是簡簡單單。
加入太多計算，只會令她變了質，永遠回不到那種純樸。
.
我和她，縱使有著家境的差距，卻因為愛，而走在一起。
雖然我不知道我們還能走得多遠，不過在我們仍然在一起的日子，每一分每一秒我都會好好珍惜她。
.
由於右腳仍在康復階段，所以暫時都不可以進行特訓。
或許是習慣了，所以還是天還未亮就醒了。




.
既然不能特訓，又未是時候上學，就倒不如把時間放在學業上。
雖說只是缺席了兩天，但始終是剛開學，不想有一個壞開始。
幸好的是，之前暑假的時候，有做好預習，現在只需做一些複習就可以追回進度。
.
溫習了一會，也差不多是時候出門回校。
媽媽今天也早了起床，說要陪我回校。
.
「唔使喇媽咪，無事喎」
「你俾我送你番去喇」
「大個仔喇，仲要媽咪送，你今晚煮定餸等我喇」
「仔呀！」
「我出門喇，你快啲去訓多陣喇！」
.
雖說自己可以照顧好自己，不過手拿著拐杖，確實需要時間適應一下。




無可否認的是，我的右腿確實不夠力完全支撐著身體，遲下定要好好鍛煉。
.
扶著拐杖的第一天，只好選擇乘搭巴士。
回到學校，也才是七點十分，比平時還要早了二十分鐘。
不要緊吧，就當是早點回來等待方晴，給她一個驚喜。
.
豈料，方晴竟已站在大門第我。
「我已經早番黎架喇，你仲早過我？？？」
「咩呀，人地都係早你十分鐘啫」
「真係好掛住我咁喎」
「知就好喇！又唔知人地幾擔心你！又掛住你！」
「知喇，辛苦你！遲啲我一定補番俾你」
「點補呀？？」
「你想點補咪點補囉」
「哼！第我唸下先」




「但係呢，我好肚餓呀…」
「咁快啲黎食早餐喇！」
「我咁樣點快？」我裝出一個可憐的樣子
「我扶你喇！」
.
當快將七點半時，突然廣播響起。
「請4C班司徒駿同學現在到校長室」
.
「校長搵你做咩呢？」
「唔知呢，你等我」
「嗯」
.
Facebook：微言
Instagram：smallpotatosay
一至六每晚7點，重溫當年走過青蔥的歲月




Facebook, Instagram, 紙言, 高登共同發佈