《只有一棵樹的森林》: 第五十二章

「唔該你，我係4C班司徒駿」我緩緩地走到校務處。
「好，請你等陣」
.
「司徒同學，你可以入去喇」
.
「校長早晨，唔知搵我有咩事呢？」我謙卑地說
坦白說，這是我人生第一次進入校長室，難免會有些淆底… 心想，我好像沒有犯甚麼錯，成績也穩步上揚…
.
「司徒同學，放心，校長今次叫你黎，只係純粹想問候下你」
「哦」嚇得我一捏汗。




「司徒同學，你宜家覺得點？」
「其實無咩大礙，只係右腳因為無力，所以要戴保護裝備同要用拐杖」
「嗯，咁如果你有咩需要，就同你班主任講喇」
「係既校長！」
「另外，關於你同方同學…」
「校長我地無影響學業架！」
「放鬆啲，校長有眼睇既，自從你同方同學一齊後，成績點樣突飛猛進，只不過，校長想同你講，無論發生咩事，都唔好咁易放棄」
「哦… 係！我知道架喇！」
.
雖說不知道為何校長會說出這番話，但至少慶幸他沒有反對我和方晴。




見完校長後，原來已經不知不覺去到早會時間。
現在的我，可以不參加早會，所以我選擇慢慢走回班房，畢竟現在真的走得很慢…
.
等了一會兒，大家也陸續回來。
「大佬，你番黎喇！！！」杜杜看到我後，激動地衝過來。
「男人老狗，你攬到我咁實做咩啫？」我無耐地說
「睇下你死得未麻」
「咁先係我識嗰個杜杜黎架麻！仆街喇你！」
「Welcome back!」Kathy也恭賀我的平安回來
「Thank You Kathy!」




「你知唔知呀，你唔係度嗰時，有人變左隻大頭蝦，差啲俾老師話」
「Kathy!!」方晴氣道
「辛苦你喇」我對她說
「最緊要你平安無事番黎！」
.
「好曬呀！！」Kathy和杜杜異口同聲說
「哼！你兩個平時都曬得人多喇，今日到番你地喇，黎喇，接招，閃光彈！」我裝出龜波氣功的樣子，逗得方晴笑了出來。
.
我的回來，也終於令方晴重拾笑容。
我後來也私下問Kathy，才知道在我缺席的這幾日，她就一直若有所思，眉頭深鎖，上課好幾次被老師提醒…
.
因此，我也再更加確定我在方晴心中的位置，嘻嘻！
.
不過，考驗並沒有因而停止，反而繼續日復日的來。
每個早餐，午餐，放學時間，都會有他的出現。




每次他的出現，都總要炫耀下自己的財富…
.
其實，他又可知道，縱使這招能奪取萬千少女的心，但對著方晴，卻有著極大的反差。
莫說有了我，即使我沒有出現，他也不可能憑這招追到方晴，因為會炫富的人，是最沒有安全感的。
.
有一日放學，我終於忍不住，捉了他到課室外一對一，
「其實呢，你知唔知呀晴需要啲咩？」我問他
「錢囉」
「嗰個係佢Daddy…」
「天下無人會唔愛錢囉」
「但對比錢，方晴更需要安全感！係安全感！！」
「啱哂，我大把！」
「下？你有？我真係唔覺！！」
「我咁多錢，大把安全感喇，跟住我想要咩就有咩」
「唉，你真係好窮！」




「我窮？？Are you kidding me!!」
「我無錯，你真係好窮！窮得只剩下錢！」
.
他這些二世祖，既有錢，樣子也不俗，如果換了是其他女孩子，應該早已飛奔到他懷中。
可惜，他追的，是天使。
不可否認的是，沒有錢確實是萬萬不能，但有錢也不是萬能，起碼他搶不走方晴的心。
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈