《只有一棵樹的森林》: 第五十章

「方晴…方晴…方晴唔好走呀！！」
.
「我係度呀！呀駿，我喺度呀！」
「唔…」
「呀駿！你終於醒喇！」
縱使未看到，但我也聽得出是方晴的聲音。
.
然後，一道強光先後照了我的兩隻眼。
「同學，你記唔記得自己叫咩名呀？」一把男人聲在問我。
「司徒駿…」




「咁你知唔知呢度係邊度？」
「唔知…」
「呢度係醫院，咁你又記唔記得發生過咩事？」
「我淨係記得自己諗緊野，行下行下就好似俾野撞到，之後就無記憶喇…」
「好，其實你係因為過馬路俾車撞到，所以就送左黎醫院，咁我地之後會幫你做番小小檢查，確定無事之後，你就可以出院喇」
.
「醫生，我個仔無事呀嗎？！」我隱約聽到媽媽緊張地問。
「司徒太，你可以放心，由於司徒駿所受到嘅衝擊只係好輕微，只要確認無腦震盪或血塊形成，就無大礙，不過由於佢右腳俾車撞過，或者出院後需要用一陣保護裝備，去令佢適應番」
「唔該醫生」
「唔使，最緊要叫佢休息多啲」




.
「呀駿，你覺得點呀？」方晴問
「無咩特別，有啲攰啫」
「衰仔，你訓左一日一夜喇，仲攰！」
「下？我訓左咁耐架喇！」
「係呀，你真係嚇死呀媽！我收到醫院電話時，差啲嚇到暈低」
「Sorry 呀媽咪」
「唉，仔大仔世界架喇…」
「下？！！」我不明白
「有人呢，訓著咁耐就嗌足方晴咁耐，搞到呀媽要特登去學校搵呀晴過黎，吖，仲要呀晴一黎到無耐你就醒番，你話激唔激死」




「媽！」
「好喇，我唔阻你兩個喇，慢慢傾喇」
.
「你點呀？」方晴十分緊張
「對唔住呀，要你擔心」
「最緊要你無事！!」
「應該無大礙嘅」
「咁就好，究竟你嗰時諗緊咩呀？」
「下…可唔可以唔講？」
「唔得！」
「Err…我唔記得喇喎」
「講！快啲講呀！」
「好好好，我講，我諗緊你」
「下？」
「我諗緊我地呢段三角關係…」




說到這，方晴的淚一滴一滴流出來。
.
「做咩喊呀？」
「對唔住呀…」
「無事呀，我宜家都無事」
「如果唔係我，你就唔會撞車」
「傻瓜，做咩咁講？！！」
「咁係呀嘛…」
我把一隻手指放在方晴的嘴上
「唔好再講喇，最緊要係宜家無事」
「嗯…」
.
「係喎，咁你今日點呀？」
「琴晚番屋企後，一直都見唔到你搵我，已經好擔心，今日番學又等你唔到，更加唔知點好，好彩伯母黎搵我咋！」
「咁個插班生有無黎煩你？」




「有呀！朝早等緊你嗰時又黎煩我，我就唔理佢囉」
「有人想約金龜就無機會，但有人又偏偏唔愛金龜愛平民喎，哈哈」
「你呀！！」
.
「我無事架喇，唔洗擔心！」
「嗯」
「你快啲番去喇」
「唔制！」
「做咩咁曳？！」
「Daddy今晚番屋企，又會逼我去見個playboy！」
「Playboy？」
「咪就係嗰個插班生，佢恃住有錢成日去蒲，玩女」
「下，原來又係一個二世祖，睇唔出喎。佢個樣都好呃得下人」
「所以咪好多人中招」
「好彩我女朋友天資聰敏」




「唉，不過都唔知可以頂到幾耐」
「無論幾耐，我都陪住你！」
「肉麻！」
「我認真架，無論要捱幾耐，我都會陪你！」
「我都係，一直留喺你身邊」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈