《只有一棵樹的森林》: 第三十五章

假期的完結，代表著中期考的到來。
五天考十科，絕對是一個極大的挑戰，時間比大考更緊湊，中間毫無休息，科與科的準備時間更少。
.
在第一科考試前，朱老師特意傳召我，為的是想幫我減減壓。
「男班長，今次有無咁緊張？」
「好過上次，但係仲有多少緊張⋯」
「正常既，背負住咁大壓力，不過你要記住，每一次考試每一科都係獨立分開，考完就過去㗎喇！」
「知道！」
「考完就要擺低，未考既就唔好諗住！」
「我會努力㗎喇！」




.
雖然這是很簡單的說話，但傾訴過後，好像把心中抑壓的，說了一些出來，心情也舒服了不少。
.
第一天的考試科目分別是中文和生物。
中文的文言文是我最擔心的，幸好今次的題數不是很多，對分數的影響有限。
至於生物，有讀過的朋友都知，它是一個無底深潭，溫極也溫不完，背極也還有⋯
對於理科白痴的我來說，根本就是個挑戰⋯
可幸的是，這科是你能用功的科，不像物理科般，怎麼也了解不到。
.
收卷解散後，方晴緊張地走向我，




「做咩呀你？面色咁既，無事嘛？」我擔心地問
「我問你有無事就真？！！」
「我？無呀，無特別」
「頭先做卷時見到啲題目咁難，我幾擔心你！」
「傻既，應該要識既就答晒，唔識既都估晒，應該唔會死得太轟烈掛⋯」
「咁都好啲⋯」
「你呀！考試就專心啲喇！等陣唔小心答錯，我都唔知邊度搵番啲分俾你！」
「咩喎，人地都係擔心你咋嘛！」
「係喇，最佳女朋友！」
.




第二天就是英文和西史。這天絕對難不到我，西史早已背得滾瓜爛熟，而英文也是我強項。
接下來的中史，地理，經濟全不是問題。尤其是經濟，我有信心能奪高分。
但剩下來的物理，化學和數學才是最後的大佬！
最後一天的考試還是要先數學，後物理，簡直是要挑戰腦袋轉數的極限⋯
.
「呼，考完試嚕」杜杜興奮叫
「你有邊次考試唔輕鬆？」我質問
「嗱，輕鬆唔代表我hea，更何況，呢個世界從來都係只求結果不求過程」
「邊個係到串串貢？」Kathy插口
「無呀，有咩？邊到有？」
「哈，我諗下次我都係要同你鬥高分！」
「唔使鬥，我願意永遠跟隨著你！」
「咦，你兩個好肉麻呀！！！」我打冷顫
「Kathy BB，今次我就唔使練波，咁我地去邊好」
「見你咁乖，等陣同你去睇戲喇！」




「好耶！」
「方晴你去唔去？」
「唔喇，唔阻你地兩公婆放閃」
「係囉BB，我地唔好阻住人地二人世界先得㗎！」杜杜說
「係既係既！咁我地行喇！」
.
「咁我地去食野？」我問方晴
「不如...上我屋企？」
「下！你屋企無人咩？」
「Daddy去左公幹，屋企得番我，呢幾晚都係得番我⋯」
「咁你媽咪呢？」
「佢...過左身...」
「Sorry呀！！！」
「唔緊要，我都慣㗎喇」
「不如今晚去我屋企食飯？」




「都好喎，有得試伯母手勢！」
「係呀，我呀媽手住家菜真係頂呱呱」
「咁今晚一於上你屋企食飯」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈