《只有一棵樹的森林》: 第三十六章

「媽咪，我番黎喇！」
「番黎喇，考試點呀？」媽媽正在廚房忙碌
「都可以，點都好過上次」
「伯母，你好，黎打擾你喇」
聽到方晴的聲音，媽媽馬上放下手上的湯勺，從廚房走出來。
「哎喲，歡迎呀，地方細，唔好介意」
「點會呢？」
「係呀媽咪，方晴今晚會係度食飯」
「下！！！衰仔做咩唔早啲講，等我去買餸麻！」
「伯母，係我啱啱先同呀駿講，唔好怪佢！」




「咁你地坐下先，我去煮飯先」
「伯母我黎幫你呀，我都想偷下師」
「好呀，你真係乖，駿仔識到你真係三生有幸」
.
看到方晴和媽媽的對話，再看看媽媽的反應，還有她那個笑不攏嘴的面，就知道方晴所獲得的評價有多高。
.
「開飯喇！」方晴叫喚
「衰仔快啲黎幫手」媽媽叫道
「係！」
.




「嘩！今晚咁好餸既！」
「本身腩肉就已經想煮，晴晴黎到咪整埋拿手豉油雞翼囉！」
「晴晴？媽咪你叫得咁親切既！」
「唔得咩？」
「伯母鍾意咪得囉」方晴笑言
「平時得我同呀駿兩個食飯，有時都唔知食乜好，宜家有你陪我，不知開心幾多，以後有時間就多啲上黎食飯！」
「媽咪，你咩意思呀？？」
「你自己心知肚明」媽媽輕挑的說
「我有時間會上黎探伯母你架！仲要跟你偷師！」
難怪如此逗得媽媽歡心。




.
「啱喇呀晴，你多啲上黎呀，我先有多啲好野食！」我嘲諷
「衰仔，你講咩呀？」
「你都自己心知肚明呀！」
好一招以其人之臉還自其人之話，嘻嘻！
.
這頓飯就一真在歡笑聲中渡過，很久沒見過媽媽這麼開心！
至於方晴，我也很少看到她這麼由衷的笑容，缺乏安全感的她或許在今晚，找回了一點久未經歷的家庭溫暖。
.
「今晚真係好多謝你呀伯母！」
「傻喇，家常便飯，下次再上嚟！」
「一定會，伯母既靚湯一定要再試！」
「下次嚟通知我，煲啲養顏既湯水俾你！」
「多謝伯母！」
「衰仔，送人番屋企喇！」




「黎！」
「唔使喇，我自己行番去就得！」
「梗係唔得！」我叫道
「衰仔，算你有番啲責任！」
「咁伯母我走先喇！」
「下次再嚟喇！」
.
「多謝你呀！」我說
「多謝我咩？」方晴不解
「媽咪好耐都無咁開心喇」
「其實我今晚都好開心，好耐都無咁溫暖！」
「咁第時多啲上黎囉」
「唉，要等Daddy唔係度先…」
.
很快，就到了方晴家樓下，




「多謝你今晚陪我！」方晴說
「傻喇，我應該！」
「番到去打俾我喇！」
「知道！」
.
「喂喂，放手喇」
「我唔捨得呀」我不捨道
「傻瓜！」
然後，我倆眼對眼，頭愈來愈近，雙方閉起眼… (你懂的)
.
「好喇，我真係要上去喇！」
「嗯，Bye Bye」
「今晚再同你傾喇」
.
結果，我飛快的跑回家，然後跟她報到。




我倆各自洗澡後，就開始傾電話。
襯著明天是星期六，我倆都無顧忌地談天說地，我也趁機再問方晴更多的喜好，為日後作好準備。
.
「呀駿，其實你覺得今次考成點？」
「其實我都唔肯定，話好又唔係好，話差又唔係差，宜家我但求平均分合格」
「你得既！」
「希望喇，咁你呢，對攞第一有無信心？」
「其實　第一只係滿足Daddy既要求，我自己都無咩感受」
「高材生果然係高材生！」
「咩呀？！！」
「如果俾我考到第一… 哈哈，肯定開心得彈出地球」
「咁會飛去邊？」
「唔知喎，總之一定唔識落地」
「傻！」
.




就這樣，兩個人又再走近了一點…
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈