《只有一棵樹的森林》: 第三十四章

捱過了家長日，上學期的糟糕總算可以拋諸腦後。
接下來的生活，亦愈來愈有規律。
在球場上有師傅的管教，家中有媽媽的篤促，在校內有朱老師的幫助，還有方晴無處不在。
現在的我，真的完全使用所有我的時間。
雖然忙和辛苦，但有了目標，就更有衝勁！
「我一定唔可以再衰俾老姑婆睇！」
.
下學期的中期考試定了在四月初，剛剛在復活節假期後。
對於我來說，有一個假期可以專心溫習是十分有幫助的，尤其今次不用分心比賽，更有助專心溫習。
接近兩個星期假期，然後一星期的考試，十科在五日內考畢，絕對是個考驗。




.
整個三月，好像又平靜下來。
老師們在努力趕課，希望把我們這些「鴨子」都填滿。
而我們，則要把一堆又一堆的新知識硬記進腦。
.
好不容易捱到月尾，終於到了放假的時間...
到了放假前最後一日，我們四人正在討論假期活動。
「呼，終於都放假喇！」杜杜興奮地說。
「你放唔放假都係咁架喇！」我說。
「哼！Kathy BB，假期你想去邊玩？」




「自修室」
「下？自修室有野玩嘅咩？」
「玩你個頭呀！今個月係咁趕書，唔溫點得呀！」
「下…」
「又唔使扁嘴，溫書都要抖氣嘅，最多搵一日陪你玩喇！」
「好耶！」
.
「咁你呢方晴？」我問她
「我呀，都係留喺屋企溫書囉！」
「咁不如大家約番黎一齊溫書呀？」Kathy 提議。




「好喎！」我表示。
「都得喎，不過要番去問下Daddy先」方晴答
「我可唔可以唔參加呀？」杜杜問。
「你話呢？！！」Kathy作勢要扭耳仔。
「呢啲咁有意義嘅活動，點可以唔預我呢！哈哈！」
.
我知道，是Kathy特意製造機會給我，讓我可以和方晴在假期也有見面的時間。
幸好的是，方晴可以參與。
結果這個假期，我和她還是可以像平日般。
.
在休息了一個週末後，溫書特訓就正式開始。
有著方晴和Kathy，兩位名列前矛的資優生坐陣，即使面對著難題我也不怕了。
.
「好悶呀！」杜杜呻悶。
「乖喇，溫左一個上晝都無」Kathy哄他。




「唉，我打開天才波架嘛，叫人溫書我會成績更差架！」
「你係咪唔聽話呀？！」Kathy作勢發脾氣
「唉，Kathy你俾佢抖下喇，佢呢隻無腳嘅雀仔肯停低一個上晝已經好好，更何況，你留得佢個人，都留唔到佢個心」我勸道。
「唉，走喇走喇，抖一陣好番黎！」
「好耶！呀駿，落去打波囉！」
「我唔打喇！仲有兩個Chapter未溫」
「長命chapter長命溫」
「又話落去嘅！仲喺度！你睇下呀駿幾勤力！」
「超！佢喺方晴面前唔失得威咋嘛！」
「行喇你！」
.
「其實你如果想打波，可以落去架喎」方晴說。
「唔喇，要打朝早打咪得，快啲繼續溫書喇！」
「唉，如果杜杜都係咁就好…」Kathy轉歎。
「但佢唔溫書都高分過我喎…」




「咁係你未發力啫！」
「今次睇下點」
.
就這樣，一個多星期的溫習特訓就完結了。其實整體感覺都良好，或許身邊有著方晴，我更有動力去溫習。而且。在遇到不明白的地方，也不用一直跳過。
雖然理科仍是我的弱項，但我感到其他科目的充分準備，希望能拉上補下，搏得平均分合格。
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈