《只有一棵樹的森林》: 第三十三章

翌日早上，我和方晴吃早餐的時候，
「係喎呀駿，你星期六諗住幾點見家長？」
「媽咪話愈早愈好」
「我Daddy都係咁講！佢話要第一個見，然後番公司喎…」
「嘩，星期六都做嘢，你爸爸都好勤力喎…」
「唉，等我仲諗住可以訓晏啲...」
「懶！」
「咩喎，咁辛苦左一星期，我呢啲叫補眠！」
「係喇係喇」
.




結果，竟然是方晴第一個見，我第二個見！
天啊，九點零五分！不過，我好像一早已習慣了每天五點醒，五點半出門…哈哈！
.
不知不覺去到星期六早上，練波的時候也特別緊張…
「駿仔，你今日搞咩呀？！」
「對唔住師傅，我等陣家長日，有啲緊張」
「傻既，試都考完，成績都出左，有咩好怕！」
「我怕…」
「見到屋企人失望既反應嘛！無事既，下次努力番，唔好再要佢地失望咪得！」
「都係既…」




.
特訓後，回家洗澡換校服，準備到學校取成績表…
.
回到學校，剛好九點，在課室外等待下一個進入。
等待的時間愈久，心情就愈緊張。今天除了有媽媽，還有平日在內地工作的爸爸。
等了數分鐘，看見方晴和她爸爸從課室走出來。
我和方晴對望了幾秒，然後世伯就帶走了她。
「司徒駿同學請入嚟」我和爸媽入去後坐下，朱老師就開口，
「司徒生司徒太，呢份就係司徒同學的成績表」
「朱老師…」




「司徒太，其實司徒同學平時係好努力，只係今次考試發揮唔好，所以成績先受影響」
「朱Sir，我淨係想問一樣野，駿仔會唔會要再留班？」
「媽咪…」
「我有信心唔會！司徒同學係過去幾個月已經愈嚟愈進步！只要之後考試發揮正常，隨時可以取得前列位置！」
「朱Sir…」
「我對你有信心！司徒生司徒太唔好太擔心，我會盡力全力去幫呀駿」
「咁老師我就交俾你！」
「不過呢，因為司徒同學上學期成績不佳，所以等陣要去禮堂見一見訓導老師」
訓導…豈不是老姑婆！這次糟糕…
.
走到禮堂，由於尚早，所以不用等待，直接去見訓導老師。
「唉…真係老姑婆…」
「呀仔，呢個咪係你上年嗰班主任？」媽媽問
「係呀…」我答
「真係冤家路窄…」




.
「司徒同學，又係你呀？麻煩攞張成績表俾我睇下」
「係既曾老師…」
「嘩，司徒同學你究竟有無讀書㗎？！！」
「我…」
「你上年已經係咁，今年完全無進步，都唔知學校點解會留你係度！」
我強忍心中不憤，輕輕說：「曾老師，我下學期保證會好努力！」
「保證？你攞咩保證？！！」
「我去保證佢！」
「朱Sir！」
「佢係我既學生，我自然有責任去教好佢！」
「朱Sir你！」老姑婆不憤
「仲有我！」
「方晴！」
「我呢個全級第一都會幫佢！」




「方晴同學！」
「仲有問題嗎曾老師？」方晴問
「無，我就放長雙眼睇下你下學期既成績！」
.
走出禮堂後，我馬上在等待朱老師和方晴。
「朱Sir頭先…」
「唔使再講，要多謝我就用成績嚟報答我！」
「係！」
「好喇，我都要上番去繼續見家長，星期一見喇！」
「Bye Bye朱Sir」
.
「喂！」
「點呀方同學」
「淨係多謝朱Sir得喇，唔使理我㗎喇！」
「點敢啫！」




「咳咳，呢位係？」媽媽雙眼發光地問
「伯母你好，我叫方晴，係呀駿既同班同學」
「哦，方同學，年輕人拍拖還拍拖，記得唔好影響學業！」
「媽！」
「咩啫！」
「嗱，我無講㗎！」
「你晚晚含春樣，點會估唔到！」
「就唔會係咁…」
「方同學，有時候就上嚟食餐便飯喇！」
「媽，人地…」
「好呀伯母，有時間一定會嚟跟伯母學嘢！」
「好！咁我唔阻你地喇，衰仔，我地去攞位先，你等陣嚟喇！」
.
「點解你會出現㗎！你唔係走左喇咩？」
「咁Daddy要去番工，我又擔心你，咪上去搵你，估唔到Miss Tsang真係




咁衰！」
「唉，佢上年啲說話仲難聽」
「唔緊要喇，今年有我陪你捱！」
「辛苦你喇！」
「傻既！」
「我要去飲茶喇」
「我要番屋企喇」
「咁我送你喇」
「唔使喇，你快啲去茶樓」
「下？！！」
「咁唔捨得我咩？」
「你話呢？」
「傻！」
「你番去打俾我呀！」
「嗯！」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈