《只有一棵樹的森林》: 第三十二章

放學的時候，我和方晴一起去到圖書館，開始好好準備下一個考試。
頭一個小時，她都是在檢視我的程度，發現我的數學特別差。
她嘗試要我做一些書本上的練習，然後找出我較沒把握的課題。
.
「呀駿，不如今日早啲完？」
「下？我仲可以喎，係咪我表現唔夠好？」
「唔係呀，我想出去行下呀…」
「哦… 好呀！咁我地執野喇！」
.
出了校門後，我問方晴，




「呀晴你想去邊？」
「Err… 不如去商場行下？」
「好呀！」
我倆肩並肩一起走，好幾次手都碰到了。
.
其實商場只是很小，很快我們就行完。
「不如… 我送你番屋企呀」
「Err… 好呀，不過你知我屋企係邊咩？」
「唔知架… 不過身為男朋友，送女朋友番屋企都係應份」
「傻！」




.
方晴的家離學校不是很遠，在商場對面行大橋，然後再走十分鐘左右，就到了她的家。
其實她的家可以望到學校，在學校的操場望過去，其實只是隔一條大馬路，難怪她每天都可以這麼早回校。
.
「嘩，你屋企咁近學校，唔怪得你日日都咁早番學喇！」
「其實Daddy朝早仲會車我番學，之後再番工」
「嘩，你就好喇，落雨同凍都唔使怕！」
「嘻嘻！」
.
「嘩，你屋企都真係…」




「真係咩呀？」
「好豪華囉！」
「你都無上過嚟，你又知豪華？」
「住得係呢度，都非富則貴喇！」
「咁又點？有錢又如何？好多野都唔同左」
「唔好咁喇，至少你宜家有我」
「係喇！我要上去喇！」
「咁好喇，自己小心啲喇，聽日見」
「喂喂，你可唔可以踎低啲？」
「做咩呀？」
.
Muah！
就是這樣，我的初吻就被她奪走。
.
「Bye Bye」




「Bye…」
「司徒駿！」
「下？」
「我愛你！」
「Me too！」
.
我倆再隔空獻吻，然後才捨得分開。
.
接下來的日子，我們每天都會一起吃早餐，午餐，放學又一起走，我先送她回家，之後再跑回家，當作負重練氣。
經常聽到人說：「中學無拍過拖等如無讀過中學」
確實，中學生的戀愛係最pure最true，女生不用怕素顏會被人嫌棄，男生不用怕身上的衣著不夠潮。
大家不會互相隱藏，可以用最真的一面去面對另一半。
.
在中學戀愛，就不怕會相處不足，而且還要是同班鄰座。
或許是坐在她旁邊，又坐在前排，我不但沒有影響她變懶，還被她感染得變勤力。




上課的時候，雖然未至於可以回答到老師的問題，但至少我遇到不明白的事，我會敢舉手不恥下問。
至於杜杜，坐在Kathy身旁的他，也被管教得變好。
經常在小息時，會聽到慘叫聲從背後傳出。
那是杜杜偷懶後被Kathy扭耳仔的哀號，他也有今日吧。
.
「好喇，各位同學，今個星期六就係家長日喇」
我聽到後，面色立馬變紫，方晴看到我後都不禁擔心起來，握著我的手
「無事架，我會陪住你」
「要黎既始終要黎」
「咁各位同學番去問下家長有無特別時間要求，聽日番學答我」
.
回家後，我問媽媽，
「媽咪，星期六家長日你想幾點去？」
「無所謂呀，一早喇，見完一齊飲茶」
「哦，好…」




「唔使驚喎，媽咪睇到你既努力，下次努力咪得！」
「媽咪！」
我哭了，我十分大聲的哭了，我真的忍不住！
「傻仔！唔好喊喇，唔好搞到媽咪都喊先得架！」
「對唔住呀！」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈