《只有一棵樹的森林》: 第三十一章

「各位同學，雖然上個星期大家過左一個高山低谷既時候，但大家都係時間放低過去，專心上堂。不過，大家都要俾熱烈掌聲一班參賽既球員，尤其係隊長司徒同學」
「啪啪啪」
.
「勁啦呀駿，朱sir點名讚你喎」杜杜在我身旁說
「好啦大家，黎到下學期，又係時候調位啦」
「喂兄弟，你應該都係同我坐架啦」
「下，你唔係同你個Kathy bb坐既咩？」
.
「好，各位同學，老師可以俾大家自由揀位，但就唔可以同上次一樣位。另外，老師想先比男女班長同主席揀位先，因為佢地平日為大家辛苦喇」
.




方晴先選擇位置，只見她走到中間的位置，選擇了第四行第一個位，果然是用功讀書的好學生。
接著由Kathy選擇，她慢慢走到方晴身邊的空位，然後向後望一望我，意欲坐下。
我心怕她會坐下去，忍不住細細聲說了聲「唔好！」
只見Kathy笑了一笑，就坐在方晴身後的位置。
.
「男班長，到你喇！」看見方晴有點害羞的偷望了我。
我毫不猶豫的坐在方晴旁邊！
.
「Woooooooo！！！」大家一陣歡呼聲，害得我倆都變得十分尷尬。
.




「男女班長一齊坐前面都係件好事，方便處理班務，咁男班長以後上堂要更留心喇！」
「係，知道！」
「好喇，咁其他同學就可以揀位啦」
杜杜率先彈出，像隻獵豹般衝向Kathy。
「小心啲喇你！」
「為左坐你隔離，小小傷又有咩所謂」
「開心喇你，有得同Kathy bb坐，難為我地要日日戴太陽眼鏡」我插道
「邊夠你開心啫」
「不過真係俾Kathy嚇一嚇」
「點敢坐你個位呀，男女班長梗係要坐埋一齊！」Kathy笑言




「喂呀Kathy！你講咩呀？！」方晴尷尬的說
.
調位也順利完成，值得留意的是Carrie坐在我右手邊...
幸好的是，波仔又坐在她身旁，總算互相制衡。
.
「好，今日既堂到此為止，大家可以去食lunch喇！」
「老師再見！」
.
「方晴，一唔一齊食lunch呀？」Kathy問
「我唔得呀，要趕去練波」
「咁你呢呀駿？」
「唔喇，唔阻你兩公婆撐枱腳」
「咁好喇！」
.
到達小食部時，看見方晴在惆悵，




「咦，方晴，做咩唔排隊呀？」
「太多人喇，排完都食唔切」
「方晴，要練波喇！」
「哦，好！呀駿，我地等陣再傾」
「好」
.
食過飯後，今天忽然不想打波，走到舊翼，看著方晴練波。
「喂傻仔，企係到做咩呀？」
「撐完枱腳喇？」
「係呀，睇過…哦，原來睇女神練波！」
「咩女神！」
「唔係咩？」
「已經唔係喇！」
「下，唔通你地…」
「私有化ed」




「Wow，係勁喎」
「不過要保密，我地唔太想咁多人知！」
「得喇兄弟，信我！」
「死喇幾點？」
「一點半」
「大獲，要去買野！等陣傾！」
.
我們學校冬令時間的lunch是由下午十二點四十分，去到一時四十分，就會打第一個鐘，提醒大家要回課室準備上課，此時小食部會禁止同學再買食物。
到了五分鐘後，再未回校的同學就會計遲到。
當鐘聲響起時，卻見方晴跑到小食部，可惜遲了一步…
「唉，又遲左…」
「方晴，呢邊呀！」
「呀駿，你又係到既？」
「唔好講咁多，你一定好肚餓，快啲食野先喇！」
「呢袋？」




「我知你一定未食lunch，所以幫你買左呢包野頂住先」
.
袋中的就是我們第一次一起吃早餐的組合，四條腸粉，一串魚蛋，一串燒賣。
「你真係好好，多謝你，I Love You！」
「傻瓜，快啲食喇！」
「嗱，你都食呀！」
她餵了一舊腸粉到我口
「唔～好食！」
「邊有人自己讚自己架」
「嚟，到我餵你！」
.
我倆你一口我一口，彷彿都忘了我們正身處學校。
.
Facebook：微言
Instagram：smallpotatosay




一至六每晚7點，重溫當年走過青蔥的歲月
Facebook, Instagram, 紙言, 高登共同發佈