《只有一棵樹的森林》: 第三十章

當晚回家後，整夜都像個傻瓜般傻笑，嚇得媽媽以為我傻了。
.
晚上的時候，電話突然響起，屏幕顯示是方晴的來電，
「做咩呀？」
「無呀，有啲掛住你，咪打俾你囉，想聽下你把聲」
「傻瓜，但點解你咁細聲既？」
「因為我係房偷偷打俾你」
「係喎，你Daddy…」
「係呀，所以我唔想佢知住」
「嗯，咁你做緊咩呀？」




「無呀，休息緊，咁你呢？」
「做緊一樣好重要的事！」
「係咩？」
「掛住你囉！」
「你呀！幾時變得咁口花花！」
「咪就係識左你之後」
「呵！又關我事！」
.
突然間，聽到電話的另一邊傳來一把男人聲
「女，出黎食生果呀！！」




「哦，我宜家出黎！」
.
「Daddy叫我出去呀，我唔傾得喇！」
「嗯，你快啲出去喇！」
「係喎，你星期一係小食部等我吖！」
「下？哦，好」
「Bye Bye」
「Bye…」
「Love you, muah!!」
.




電話掛斷後，我就開始想，這究竟是真的嗎？
怎麼整件事還是像夢一場？
如果這真的是一場夢，那麼我希望永遠都不會醒來，至少我可以沉醉夢中的美好，不用面對現實的殘酷…
.
星期一早上，我依舊走到籃球場，看見師傅
「駿仔，特訓咪完左囉，你仲走黎做咩呀？」
「師傅，朝早起身特訓已經變成我既習慣，希望師傳可以繼續指導我！」
「好，既然你有呢個心，師傳就繼續傾力傳授，係喎，駿仔你決賽點呀？」
「最後球隊都係輸左… 不過班隊友為左我，不斷double team錢進，所以最後我得分多過佢」
「咁你咪終於守得雲開見月明！」
「咩呀師傳… 不過都要多謝師傅你！」
「多謝我咩？」
「除左要多謝你既特訓，仲要多謝你段錄音，如果唔係，我唸我一早就會失控」
「哦，嗰段，哈哈」
.




就是那段錄音，那段我聽到傻眼的錄音。
確實錄音的內容就不多說了，不外乎就是性器官和性行為。
.
初初聽真的有點影響，不能集中，影響命中率。
但當日復日後，再粗再難聽的說話也會有適應的時候。
.
慢慢，這些說話就不再影響我的專注力，令我更集中。
所以，錢氏兄弟的垃圾話，對我來說，其實一點影響也沒有，只是覺得有點吵和礙耳。
.
回到學校後，已看見方晴在等我，我飛快的去梳洗，然後跑去找她。
「傻瓜，使唔使跑嚟呀？」
「早晨呀，你等左好耐喇？」
「唔係呀，一陣咋麻，快啲嚟食早餐呀！」
「腿蛋治？」
「我整架，今朝起身新鮮整，你快啲試下！」




.
雖然只是普通的火腿，蛋和方包，但加起來卻很溫暖！
「點呀？」
「只要係你整既，咩都好食！」
「口甜舌滑！不過因為朝早無乜時間，所以只可以整到啲咁簡單既嘢食」
「傻喇，已經好足夠」
「咁我地放學圖書館等？」
「好呀！」
「但係呢… 我地拍拖既事…」
「可以！」
「我都未講」
「保密麻，我知架，無事喎，只要我同你認定對方咪得囉！」
「多謝你！」
「傻！」
.




Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈