《只有一棵樹的森林》: 第十七章

「喂，呀駿，去到邊呀？」
「下，我到左喇喎」
「咁早！！！」
「下，有幾呀…」
.
現在時間為早上八點十五分，我已經到達中環碼頭。
雖然今天是旅行日，但還是不能放棄特訓！照著平日六點訓練，七點完結後跑步，我今次直接跑到尖沙咀碼頭，距離更長了，更能考驗自己。
.
大概花了一小時左右，就到達目的地，再乘船到中環，時間剛剛好。
.




「喂死仔，咁早到做咩呀？咪住先，點解你件衫好似濕濕地咁嘅？」
「我今朝跑去尖沙咀，差唔多喇，Kathy呢？」
「搭緊地鐵」
「仲以為你會接埋人一齊黎添，宜家勁喇，糖黐豆咁」
「咁幾時到你呀？」
「咪玩喇」
「認真架，你同佢呢幾個月唔係白過」
「喂，你地兩個男人講緊咩呀？仲唔快啲黎幫手」
.
看見Kathy左一袋右一袋，吃力地走過來，杜杜飛快地衝去。




「辛苦你喇BB」
「鬼叫你地要練波咩，唯有做埋你地嗰份，係喎，頭先講緊咩呀？」
「無呀，講緊駿仔女神啫」
「喂！」
「哦，方晴呀嘛！係喎，呀駿你幾時出手？」
「唉，出咩手呀，相距九丈遠」
「咁又唔係咁講喎，我睇得出方晴係唔介意呢啲野，同埋，佢應該都鍾意你」
「你又知？！！！」
「女人嘅直覺！」
「BB我地唔好理佢喇，我地去買早餐食呀！」




.
時間愈來愈接近九點，大部分同學都已到達，但偏偏不見方晴…
「仲有邊位同學未黎？」朱sir問。
「女班長未到呀」
「主席你打個電話俾佢呀」
「好呀！咦...唔使喇，佢到喇！」
.
看見方晴從一輛房車中下來，今天的她穿著簡單，黑色衛衣外加紫色外套，Legging加Converse，但散發的氣質仍讓我醉倒，可是…為何她…
.
我馬上跑上前，但只見車上另一個男人眼神凌厲地看著我。
「爸爸我到喇，你快啲去番工喇」
「咁你小心啲喇女」
.
原來係世伯…
「早晨呀方晴」




「早晨呀駿」
「你無事嗎？面色好似有啲差」
「無，可能琴晚夜訓啫」
「咦，你有咁多袋野嘅？」
.
此時，Kathy突然衝前說：「咪就係因為你囉司徒駿！」
「下？！！」
「Kathy！！」
 我不明為何，就趁方晴不為意時，把Kathy拉到一旁問個究竟。
.
「Kathy，究竟係咩一回事，點解你會話關我事？」
「原本呢，就安排你地班男仔去買嘢，但方晴話你地要專心練波，所以就唔煩你地，佢仲為左你地唔好俾人話，一個人負責曬！」
「原來係咁…」
「咁如果唔係鍾意你，又點會事事為你着想，仲幫你做咁多嘢！自己諗下喇」
.




「好喇同學，時間差唔多，我哋要入閘喇」
「朱sir你地行先呀！我有少少野想買，轉頭會追番上嚟！」
話剛說畢，我就跑去小食部，然後再趕船。
.
上船後，大家都揀選了自己的座位，自成群組，杜杜和Kathy自然坐在最後排卿卿我我，而方晴就坐了中間後段。
.
開船後，大家都各自各精彩，聊天的一組、打機的一組，連倒頭大睡的也有一大組，唯獨方晴獨自坐在一角，面有難色。
 
我趁大家不為意時，偷偷換了位置，坐了在方晴旁邊。
「你點呀？」
「無咩事，有少少唔舒服啫」
「係呢，你食左早餐未？」方晴搖一搖頭
「我都未呀，所以頭先上船前買咗魚蛋燒賣腸粉，不如一齊食呀？」
方晴聽到後，好像醒要過來般
「慢慢食，應該未凍嘅」




「好好食呀！！」
看見她食得十分滋味的樣子，就證明我的推論和決定是正確的。
「食完野食粒藥呀，會無咁辛苦架」
「唔該你，你又會有藥嘅？」
「之前見大家投票嗰陣，你面有難色，我都估可能係，所以帶定藥，有備無患」
「多謝你呀！」
.
「我多謝你就真，唔係你幫我地頂咗買野，我地都無得練波」
「好小事啫」
「不如聽歌呀，我琴日入左啲宮崎駿嘅歌落手機，一齊聽呀！」
「好呀！」
.
看見吃了早餐和藥的她，面色終於好轉，也可以回復笑容，總算安心下來。
接下來就享受一下難得的二人時間吧！
.




我決定，我今次要做主動！我先把身上的外套脫下來，披在她身上，
「大風呀，小心凍親」
「咁你呢？」
「我咁大隻，無咁易凍親」
「嗯～」
「不如你挨落嚟訓一陣？到左我再叫你」
「Er…」
.
雖然心裏有點忐忑，但她還是躺在我肩膀上，而且很快就睡着了。
看著熟睡的她，和上次在火車上一樣，真的忍不住想吻她一下。
.
而今次，我真的趁四周無人，輕輕的親了她額頭一下。
.
剩下的時間，就是看着她熟睡的樣子發呆…
呆得如痴如醉。