《只有一棵樹的森林》: 第十六章

在經歷第一天的脫腳後，重新去調整自己的心情，同時想起師傅之前說過的話：
「打波切忌心浮氣燥，無論周邊發生咩事，我地都要保持專注力，如果唔係就會好易影響自己的水準」
原來，這番說話不只可用於籃球上，也就是這番說話，讓自己清醒過來。
.
我用跑步去對付壓力，用汗水去令自己平靜。
雖然，在之後的考試，表現都未必是最理想，但最少我真的盡力了…
.
「呼…終於考完喇！」
「駿爺，早幾日唔係淆哂底既咩？」
「仲講呀下！等陣係咪想跑圈呀？！！」




「下！啱啱考完試就要練波…」
「我地得番一個星期咋…再唔練等幾時呀？仲唔快啲去叫齊人！」
.
「BB! 我地宜家去邊好呀？」
「隊長話要練波喎…」
「係喎，你地下星期就要打班籃，咁我去睇你練波喇！」
「Kathy豬豬，你唔係想去行街既咩？」
「杜杜b呀，行街幾時都得喇，練波重要啲！你地一定要贏個冠軍番嚟！」
「喂，兩位，我仲係度架…」
「咦，方晴喎」




.
「方晴！」
「咦，Kathy，仲係度既，未去拍拖咩？」
「我宜家去睇佢地練波呀，不如你都嚟呀！」
「Err….好呀！」
.
集齊全隊後，我們浩浩蕩蕩去到校外附近一個球場，一來學校籃球場早已被錢進霸佔，二來在校外練習更可保護球隊的實力，免得過早泄漏風聲。
.
去到球場，卻發現以前的同學也同場，差點也記不得以前我們也曾在這裹並肩作戰。
「Hi, Cousin，你地練成點呀？」




「今年無左你同杜杜，點練都係差啲，今年都係錢進架喇…冠軍賽睇你喇！」
「唉，其實我都無乜信心，仲講咩冠軍賽，連班際都未知贏唔贏到」
.
「大家過一過嚟…嗱，我知道我地無乜時間準備，所以希望大家都會把握，戰術我地主要得三個，希望大家盡快去熟習」
.
練了大概一個半小時後，我決定給他們一些實戰嘗試，和以前的同學打一場友誼賽。
比賽了半個小時，大家都已經累得跑不動，結果也是我的意料之內 - 潰不成軍。
面對較有默契的對手，我們無論在技術，體能和默契上都完全被比下去，僅靠我和杜杜苦苦支撐…
.
「大家都攰喇，早啲番去抖」
「Bye Bye隊長」
「杜杜仲唔走？Kathy等左你好耐喇！」
「但你…」
「我仲想自己射陣波先」
「咁有咩事你再搵我喇！」




.
「喂喂，抖下飲啖水先喇！」
「你仲未走既？」
「你都係呀」
.
「係喎，點解你會好似仲有氣既？明明已經練左兩個鐘」
「我有keep住特訓，同埋今日既強度唔大，所以仲頂得住」
「就係每朝去籃球場然後跑番嚟學校？」
「你又知既？！！」
「我試過撞到你係籃球場，又見過你跑番學校」
「哈哈，係呀」
「所以呢個亦都係我支持你既原因！」
「但恐怕今次真係要令你失望，對比錢進，我地班真係差好多…」
「唔緊要呀，最緊要我可以見到你盡全力去比賽！」
「好喇！你都快啲番屋企，我練多陣就會走」




「咁…好喇，你加油呀！」
.
到了翌日晚上，突然收到杜杜的電話：
「點呀？」
「喂呀駿，聽朝你唸住幾點起身呀？」
「咪5點半囉」
「咁你幾點去碼頭？」
「碼頭，咩碼頭呀？」
「梗係中環碼頭喇，唔通上環咩！！！」
「係喎，聽日去旅行喎！」
「下，你唔係唔記得左呀？」
「呢排都掛住考試練波，真係唔記得左，弊！未買嘢添！」
「下？！！但係我頭先打俾Kathy BB，佢話齊哂架喎」
「下？！！咁出奇？」
「唉唔理喇，總之聽日9點中環碼頭，唔好遲到呀！」