《只有一棵樹的森林》: 第十八章

一小時的船程很快便過去，大家都準備收拾行裝落船。
「方晴，醒喇」
「唔～」
「我地就快到，要落船喇」
「嗯～」
.
「你點呀？訓左一覺，有無好啲？」
「好好多喇！食左藥，又食左腸粉，仲訓左一覺，全靠你咋！」
「小事，最緊要你無事，快啲準備落船」
.




到了碼頭後，大家都伸起懶腰來，有些同學則上了洗手間。
「男班長」只見杜杜和Kathy向我招手
「點呀兩位，笑得咁奸，有咩陰謀？」
「無，想俾啲嘢你睇　」
杜杜把手機遞上，只見屏幕上竟然是我親吻方晴額頭的照片！
「你地！你地想點？」
「嗱，冷靜啲，做兄弟既梗係幫你留低最美時刻」
.
「不過呢，如果你唔想張相被公開，就要識做喇！」
「你地！」




只見他們兩人笑得奸詐，看來今天的花費和苦力全入我數了…
.
「大家齊人未？男女班長幫我點一點人數」
「齊喇朱sir」
「好，咁我地就要準備去搭小艇，去我地既目的地 – 西灣」
去到碼頭，方晴看到了小艇後就退後了幾步，看似驚怕暈船。
.
「唔使驚架，有我係度！嗱，食左粒薄荷糖，等陣聽住歌訓一覺，好快到」
「嗯…」
「行喇！」




上船後，由於大家坐在一起，所以我拜託Kathy照顧方晴，免招他人閒言閒語。
但雖如此，我的視線依然離不開方晴，心怕她不習慣。
.
落船的時候，我先點齊人數，向老師報告，然後再去看看方晴。
看來她真的不適應小艇的高速，有點頭暈…
.
「朱sir，女班長唔太舒服，佢可能要坐低抖下，我同杜杜同Kathy會留係度睇住佢，等陣再追上嚟匯合大家」
「好，咁你地小心啲，有咩事就打俾我」
「波仔，你同其他男仔攞啲嘢上去先」
「知道隊長！」
.
「方晴你覺得點呀？」
「有少少頭暈…」
「有無想嘔？」
「無呀，但有少少凍…」




「凍？」
我馬上把外套脫下披在她身上，然後竟不顧一切把她一抱入懷，希望藉著自身的溫度去暖化她。
.
過了幾分鐘
「咳咳」
「點呀你？」
「好好多喇，麻煩你」
「Wow，隊長好man呀！」
我連忙鬆開雙手，面有尷尬
.
「好喇，我地係時候要匯合大隊」
「係既男班長！」
「方晴，你啲嘢等我拎呀，你拖住Kathy慢慢行呀！」
「咁我呢？」
「你呀，幫我拎嘢囉死仔」




「超，重色輕友」
.
我們四個慢慢行，終於抵達燒烤場，卻未見有任何一個爐成功生火。
「朱sir，我地到喇」
「女班長無咩事嗎？」
「無大礙喇，係喎，點解仲未起爐既？」
「女仔就嫌炭污漕，男仔就唔識… 唉…」
「放心，等我嚟幫手！」
.
「Kathy，麻煩你幫我睇住方晴先；杜杜，過嚟幫我手」
「係既captain」
.
「點呀大家？」
「隊長，唔知點解起極都唔著火既…」
「你地有無報紙？」




「有！」
.
於是，我就唯有一人起四爐，靠著報紙，火機，炭精去起火，加上我的「噴火」技能，終於把燒烤爐弄好。
.
「辛苦你喇司徒同學！唉，宜家既小朋友真係太嬌生慣養」
「男班長，你好型呀！！！」
一班女生在高呼，同時也在給說話男生聽。
「其實都係以前童軍學番嚟」
「原來你曾經係童軍？」
「中二既時候玩過一年，不過都好耐嚕，大家快啲燒嘢食喇，唔係個爐又熄…」
.
呼… 終於可以休息一下，真的有點累…
.
Facebook：微言
Instagram：smallpotatosay




一至六每晚7點，重溫當年走過青蔥的歲月
Facebook, Instagram, 紙言, 高登共同發佈