《只有一棵樹的森林》: 第十五章

自那天起，我有意無意的每天都會Whatsapp她，從當初的請教，然後慢慢變聊天。
雖然只是隔著手機屏幕，但也能感受到當我打冷笑話時，她在另一邊看到時的笑容。
.
很記得在除夕夜晚上，我一邊溫書一邊看著時鐘，靜候倒數。
在23：59時，我就準備輸入，然後當煙花發射時，我馬上按下傳送。
.
『新年快樂呀！唔知呢個時候你訓左未呢？呢一年好開心識到你，希望新一年繼續一齊做對好班長喇，哈哈！』
『多謝你呀！新年快樂！我都好開心識到你！』
.
就這樣，我應該成為新一年第一個和她對話的人吧？




.
新一年的來臨，意味著考試如箭在弦，同時特訓也要暫時停下來，好讓自己專心備考，避免受傷。
.
很快就到了考試第一日，雖然今天不用特訓，但卻也早早起了床。
早點準備或許也是件好事，可以作最後衝刺。
.
為免遲到和作過大體力勞動，今天自己三個月內第一次搭巴士回校。
回校後，看見還不是有很多同學，於是隨便找了個位置坐下來。
.
『噓！』




『嘩，差啲俾你嚇死喇杜杜』
『邊有咁易呀，嘩，你做咩留哂大汗？好緊張呀？』
『唔緊張就假！』
『你今次真係嚟真喎！』
『唉...』
『喂，你女神行緊黎喇！』
.
『吖，我去搵Kathy先，你地慢慢喇』
『早晨呀駿』
『早晨呀...』




『你無事呀麻？成頭汗既，唔舒服呀？』
『唔係...』
『你努力左咁耐，一定得既！』
『嗯...』
『加油呀！』
.
縱使有天使一笑為我鼓勵，但也掩不住我緊張的心情，第一天還要是考數學，我最用功的科目。
.
『考生請到操場排隊』
.
『考生可上禮堂』
一路走一路滴汗，連方晴也忍不住拿出紙巾替我抹汗...
.
『考生可以開始作答』
由翻開試卷的一刻，我就一直寫到考試完結的一刻。




『考試時間已到，考生請停筆』
.
『喂兄弟，頭先識唔識呀？』
『識啲又唔識啲咁囉...』
『唉都考完囉，唔好唸喇，去食嘢囉？』
『唔喇，我想一個人去射陣波』
.
去到球場，還是久久未能平復心情，射出來的球東歪西倒，更令自己再煩燥不已。
.
『做咩咁燥呀？呢個唔係我平時認識既司徒駿喎』
『你又會係度既？仲未走？』
『咁見到你咁無心機離開禮堂，咪黎搵下你』
『原來讀書真係好難架！！！唉...我愈黎愈佩服你，讀書運動都咁叻！』
『你都可以架！只要你努力堅持落去，一定得！』
『真係？』




.
『咦，排球女神，乜咁難得係籃球場出現』
『你係？』
『等我自我介紹，我叫錢進，係籃球隊史上最年輕的隊長』
『你搞咩呀？』
『我要同你挑機！』
『點解我要應承你？！！』
『因為佢』錢進指著方晴，就像獵豹找到獵物般。
.
『我要同你挑機，到時F3對F4的比賽，我地就鬥高分，邊個輸左就要放棄佢！』
『你又知你一定贏到F4班籃既？』方晴插口說
『我地班全部都係籃球精英，sure win! 不過我擔心你地多啲...』
『你當方晴係咩呀？！！你話賭就賭呀！』
『好呀！』方晴竟然說好
『好，一言為定』




.
『你傻左咩？！！』
『我信你，一定會贏佢！嗱，我連我自己都賭埋，All in架喇！』
『但係...』
『但咩係呀，快啲番去溫書喇！』
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈