《只有一棵樹的森林》: 第十四章

我們去到附近工廠的一間樓上cafe，方晴一去到就驚訝地問，
『你又識嚟呢度既？』
『上網努力google同openrice過』
『嘩，好多人呀，唔知我地要等幾耐呢？』
『唔該，訂左兩位姓司徒既』
.
等待了一會，店員就帶我們到角落的一張枱。
『呢度真係好舒服呀！』
『你鍾意就好喇』
『好彩你book左位咋，唔係都唔知要等幾耐』




『我怕你唔鍾意呢度咋』
『咁如果我真係唔鍾意呢？』
『呢棟工廠仲有英國、泰國同印度菜，附近仲有日韓同粥粉麵，應該總有一款啱你卦？』
『嘩，你真係搵左好耐喎』
『哈哈，咁第一次同你出街嘛』
.
我們點了菜後，亦開始閒聊，也藉此更深入了解方晴。
『其實呢，你對我既印象係點？』
『好靚，好似一個天使咁』
『仲有無深入啲？』




『覺得你好勁，十項全能，好遙不可及』
『有無咁誇張呀？』
『無，不過同時我覺得你係一個好需要安全感的女仔』
『點解你咁講？』
『首先，你外表絕對配唔上堅強呢兩個字。初初見到你時，以為你係內斂同慢熱，到識落之後，就會發覺其實你係欠缺安全感，所以先無咁social』
『講到好似好了解我咁喎』
『咁我呢？你又對我有咩印象？』
『懶！』
『下？！！我已經好勤力喇喎！』
『我講以前呀，初初見到你，覺得你會係好懶既人，識落就會發現，其實你係有能力，只係無目標啫』




『哈哈，乜你同我師傅講啲嘢咁似架？』
『你師傅？』
『就係教我打籃球既師傅』
『原來係咁』
『我應承你，我一定會好努力，唔令你失望！』
『做咩無啦啦講呢啲嘢喎，我又唔係你邊個』
害羞的她馬上回避眼光，低頭食東西。
.
在乘火車往紅磡時，我倆剛好坐在二人位。
當列車一直行駛時，我突然感受到我的肩膀負重了，眼球一轉，就看到了方晴正睡在我的肩膀上。
我不敢亂動，生怕會吵醒她。
看見她睡著的樣子，真的很美，美得差點忍不住想吻下去。
輕輕一吸氣，就能聞到由她頭髮散發的香氣。
.
由遙不可及，到慢慢認識，再到第一次的約會，感覺真的太不真實，看到了眼前的她，卻又覺得我們間仍有段很遠的距離，不是我想高攀就能高攀到的。




.
想下想下，就到了總站，縱使多不情願，也要叫醒她，完了這場美夢。
.
『咦，到喇？Sorry呀，訓左係你膊頭』
『唔緊要，你都攰喇，我地快啲落車』
.
『好多謝你今日約我出嚟呀，呢個係我最難忘既聖誕』
『我都多謝你今日願意出嚟陪我一齊』
『嗯，咁我走先喇，我地學校見！』
『好...』
.
『司徒駿！』
『係！』
『俾啲心機溫書呀！』
.




就這樣，我們一個向左走，一個向右走。
雖說愈走愈遠，但卻慢慢愈拉愈近。
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈